بھوپال: 'سلسلہ کہانیوں کا' پروگرام منعقد

بھوپال کی تنظیم شہر غزل کلچرل سوسائٹی کے ذریعہ کہانیوں اور افسانوں پر مبنی پروگرام نام "سلسلہ کہانیوں کا" انعقاد عمل میں آیا۔ اس پروگرام کی ذریعہ سینئر اور جونیئر کہانی کار اور افسانہ نگاروں کو ایک پلیٹ فارم پر جمع کیا گیا۔

مدھیہ پردیش کے دارالحکومت بھوپال کی تنظیم شہر غزل کلچرل سوسائٹی کے زیراہتمام آج کہانیوں اور افسانوں پر مبنی تقریب کا اہتمام کیا گیا، جس میں بھوپال کے مشہور افسانہ نگاروں نے شرکت کی۔

اس پروگرام کا عنوان تھا "سلسلہ کہانی کا" جس کا مقصد تھا کہ نئی کہانیاں اور افسانے لکھنے والوں کو سامنے لایا جائے، انہیں اسٹیج فراہم کیا جائے اور ساتھ ہی پرانی کہانیاں لکھنے والے بھی اس پروگرام میں شامل ہوں۔

اس پروگرام کی ذریعہ سینئر اور جونیئر کہانی کار اور افسانہ نگاروں کو ایک پلیٹ فارم پر جمع کیا گیا۔

دراصل آج کے وقت میں جو نئی کہانیاں اور افسانے لکھنے والے ہیں، وہ اپنی تحریریں لکھ تو رہے ہیں پر منظرعام پر نہیں آتے ہیں اور ان کی صلاحیت چھپی رہ جاتی ہے۔ جب اس طرح کے پروگرام منعقد ہوتے ہیں تو جونیئر اور سینئر کو ایک دوسرے کو سننے کا موقع ملتا ہے، جس سے کہانیاں اور افسانے لکھنے والوں کی اصلاح ہونے کے ساتھ ساتھ حوصلہ افزائی بھی ہوتی ہے۔

تنظیم شہر غزل کلچر سوسائٹی کی کوشش ہے کہ نئی نسل افسانہ نگاری اور کہانی جیسی صنف میں اپنے جوہر دکھائے۔