اندور: اسکول کا طلبا کی فیس معاف کرنے کا فیصلہ

ریاست مدھیہ پردیش کے صنعتی شہر اندور میں کورونا وبا کے پیش نظر چواترام اسکول نے بارہویں جماعت تک کے طلباء کی فیس معاف کرنے کا فیصلہ کیا ہے۔

عالمی وبا سے پورے ملک کی معیشت متاثر ہوئی ہے جس سے لوگوں کے کاروبار بھی بری طرح سے درہم برہم ہوگئے ہیں۔

مسلسل چلے تین مہینے کے لاک ڈاؤن اور اس کے بعد کاروبار میں کمی کی وجہ سے والدین کو اسکول فیس جمع کرنے میں بڑی دشواریوں کا سامنا کرنا پڑ رہا تھا جس کو لے کر والدین کافی پریشان نظر آ رہے تھے۔

لیٹر

اس سلسلے میں اندور کے چواترام اسکول نے بارہویں جماعت تک کے طلباء کی فیس معاف کرنے کا فیصلہ کیا ہے۔

چواترام فاؤنڈیشن آف ہیو مینٹرین چیریٹیبل ٹرسٹ کے اندور مینیجر اشونی ورما نے ایک خط شائع کیا۔

کورونا وائرس کے پیش نظر اسکول بند ہونے تک طلباء کو فیس کی ادائیگی نہیں کرنی ہوگی، یہ فیصلہ نئے داخلہ لینے والے طلبا کے لیے بھی کیا گیا ہے۔

واضح رہے کہ حال ہی میں کچھ والدین نے فیس کو لے کر خاموشی سے احتجاج کیا تھا، جس میں مطالبہ کیا گیا تھا کہ ہم بچوں کی فیس ادا نہیں کر پائیں گے۔