اسکولی بس حادثے کا شکار، ڈرائیور ہلاک

مدھیہ پردیش کے ضلع ساگر میں آج ایک اسکول بس کے درخت سے ٹکرانے سے بس درائیور کی موت ہوگئی جبکہ سات بچے زخمی ہوگئے۔

پولیس نے بتایا کہ بہیریا تھانہ علاقے کے سدگنوا چناٹوریا کے نزدیک ایک اسکول کی بس درخت سے ٹکراگئی۔ اس واقعہ میں بس ڈرائیور کی موت ہوگئی اور بس میں سوار سات بچے زخمی ہوگئے۔

ان بچوں کو علاج کے لیے ایک نجی ہسپتال میں بھرتی کرایا گیا ہے۔بس بچوں کو چھوڑنے جارہی تھی تبھی چناٹوریا کے نزدیک درخت سے ٹکراگئی۔

وہیں دوسرے ایک واقعہ میں دیوری تھانہ کے تحت ایک اسکول کی وین اور ٹریکٹر کی آمنے سامنے کی ٹکر ہوگئی جس میں اسکول وین تباہ ہوگئی، بچے بال بال بچ گئے۔ ایس ڈی او پی اجیت پٹیل جائے واقع پر پہنچ گئے ہیں۔