سورمہ بھوپالی کے کردار نے بھوپال کا نام روشن کیا

بھوپال کے انداز اور مزاج کو دنیا سے روبرو کرانے والے جگدیب نہیں رہے۔ سورمہ بھوپالی کے کردار سے نہ صرف بھوپال بلکہ پورے صوبے کا نام پوری دنیا جانتی ہے۔

فلم شولے کے ذریعے سے بھوپالی انداز اور مزاج کو رنگین پردے کے ذریعے پوری دنیا تک پہنچانے والے سورمہ بھوپالی یعنی ہمارے جگدیپ (سید اشتیاق جعفری) بروز منگل کو لمبی بیماری کے چلتے اس دنیائے فانی کو الوداع کہہ گئے۔

انہوں نے 81 سال کی عمر میں ممبئی کے باندرہ کے گھر میں اپنی آخری سانس لی۔ سورمہ بھوپالی نے اپنی زندگی میں قریب 400 فلموں میں کام کیا، لیکن فلم شعلے میں ان کا کردار سورمہ بھوپالی نے انہیں کامیابی کی منزل پر پہنچایا اور دنیا انہیں پھر اسی نام سے جاننے لگی۔

انہوں نے اسی نام سے فلم سورمہ بھوپالی بھی بنائی تھی اور اس فلم میں ایک گانا رکھا تھا، جس میں بھوپال کے کئی علاقوں کے نام بھی شامل تھے۔

جگدیپ مدھیہ پردیش کی ضلع دتیہ میں 29 مارچ 1939 کو پیدا ہوئے، جگدیپ نے کامیڈین کے طور پر ( دو بیگھہ زمین) سے ڈیبیو کیا تھا۔ انہوں نے 61 سال تک 400 فلموں کے ذریعے لوگوں کو بھرپور انٹر ٹینمنٹ کیا۔