تنہائیوں کی جنگ میں ہتھیار ہے یہی، تلوار سے بلند ہے درجہ کتاب کا

ودیشہ کے سرونج میں سیفی سرونجی نامی شخص جو کبھی اسکول نہیں گیا لیکن آج ان اس کے پاس مدھیہ پردیش کی سب سے بڑی لائبریری موجود ہے جس میں اردو دنیا کے تمام شعراء اور ادیبوں کی کتابیں موجود ہیں۔

ریاست مدھیہ پردیش کے ضلع ودیشہ کی تحصیل سیرونج کا ایسا شخص جو نا کبھی اسکول گیا اور نہ ہی کبھی کالج کا منہ دیکھا لیکن آج وہ شخص اردو دنیا میں ایک بڑے ادیب ,شاعر ,مصنف, نثر نگار اور نقاد کے طور پر پہچانا جاتا ہے۔

ہم بات کر رہے ہیں سیفی سرونجی کی جنہوں نے اپنی محنت اور تعلیم کے تئیں لگن کی وجہ سے آج وہ ایک ایسے مقام حاصل کرچکے ہیں۔ جنہیں صرف بھارت ہی میں نہیں بلکہ بیرون ممالک بھی جانا جاتا ہے۔

سیفی سرونجی کو کتابیں پڑھنے کا شوق ایسا تھا کہ آج ان کے پاس ایک بڑی لائبریری موجود ہے جس میں اردو دنیا کے تمام شعرا اور ادیبوں کی کتابیں موجود ہیں۔ سیفی سرونجی بیڑی بناکر کتابیں خرید کر پڑھتے تھے۔

سرونجی کا عالم یہ ہے کہ آج ان کو دنیا کے تمام مشہور و معروف ادیب شاعر اپنی کتابیں بھیجتے ہیں۔ سیفی سرونجی اپنی لائبریری کے لیے تقریبا پانچ بار لندن کا دورا بھی کرچکے ہیں۔ تاکہ ان کی لائبریری میں تمام مشہور و معروف ادیب اور شعرا کے کتابیں موجود رہیں۔
مزید پڑھیں:

سیفی سرونجی کا کتابوں سے اس طرح لگاؤ ہے کہ وہ اپنے کپڑے یا بیش قیمتی چیزیں چھوڑ سکتے ہیں لیکن کتابیں نہیں، یہی وجہ ہے کہ آج ان کے پاس ایک ایسی لائبریری موجود ہے جس کی بھارت میں کوئی مثال نہیں۔