سڑک حادثے میں تین افراد ہلاک

ریاست مدھیہ پردیش کے صنعتی شہر اندو میں ایک تیزرفتار ٹرک نے موٹر سائیکل اور جیب کو ٹکر ماردی جس میں تین افراد ہلاک ہوگئے۔

یہ حادثہ اندور بال گنگا تھانہ علاقے میں پیش آیا۔ ایک تیز رفتار ٹرک بے قابو ہوکر موٹر سائیکل اور جیب کو ٹکر ماردی ۔ موٹر سائیکل سوار تین افراد کی موقع پر ہی موت ہوگئی، جب کہ جیب میں سوار افراد شدید زخمی ہوئے ہیں۔

ایس پی نتین اوپادھیائےنے بتایا کہ ٹرک نے دو گاڑیوں کو ٹکر ماردی جس میں ایک شخص سمیت دو خواتین کی موقع پر ہی موت ہوگئی، جب کہ جیب میں سوار افراد شدید زخمی ہوگئے، ٹرک ڈرائیور کے خلاف مقدمہ درج کرکے زخمیوں کو علاج کے لیے ہسپتال بھیج دیا گیا ہے۔

ہلاک ہونے والوں کی شناخت منیشا، جیوتی اور مہیندر کے طور پر ہوئی ہے۔