ادیبوں سے مسودات طلب

مدھیہ پردیش اردو اکیڈمی کے ذریعے اردو کتابوں کی خریداری اور ان کی اشاعت کے لیے مالی امداد کے سلسلے میں اردو مسودات طلب کئے گئے ہیں-

بھارتی ریاست مدھیہ پردیش میں مالی سال 20-2019 کےلیے اردو کتابوں کی خریدی اور اشاعت کے لیے امداد کے سلسلہ میں ادیبوں اور شاعروں سے اپنی تخلیقات، مجموعہ کلام کا مسودہ اردو اکیڈمی کے دفتر میں جمع کرنے کی گذارش کی ہے-
کتابوں کی اشاعت اور خریدی کےلیے مدھیہ پردیش اردو اکیڈمی کی جانب سے ایک کمیٹی تشکیل دی جاتی ہے جس کا فیصلہ حتمی ہوتا ہے اور کمیٹی کے ذریعے چنی گئی سبھی کتابوں کو اردو اکیڈمی شائع کرتی ہے-

اردو اکیڈمی کی سیکرٹری نصرت مہدی نے بتایا کہ اکیڈمی کے بائی لاز میں یہ شامل ہے کی ان شعراء اور ادیبوں کی مدد کی جائے آئے جو قابل ہے لیکن کسی وجہ سے ان کے کلام منظر عام پر نہیں آتے ہیں۔ اس طرح کے مستحق لوگوں کی مدد کرنا اکیڈمی کی ذمہ داری ہے۔

انہوں نے کہا کہ ریاست بھر سے مسودات آنے کے بعد اچھے شعرا اور ادیبوں کی کتابوں کو اکیڈمی منظر عام پر لائی گی-