معصوم بچی کے ساتھ جنسی زیادتی کرنے والے شخص کی پٹائی

ریاست مدھیہ پردیش کے صنعتی شہر اندور کے ماہو عدالت میں چار سالہ بچی کے ساتھ جنسی زیادتی کرنے والے ملزم کی وکیلوں نے جم کر پٹائی کی۔

اندور کے ماہو علاقے میں گذشتہ دنوں چار سال کی بچی کے ساتھ زیادتی کرنے والے ملزم کو جب پولیس عدالت لے کر پہنچی تو ملزم کی وکیلوں نے پٹائی کی۔

اندور کے ماہو میں گذشتہ دنوں ایک بڑا دردناک واقعہ پیش آیا جب ایک چار سالہ بچی کے ساتھ جنسی زیادتی کے بعد قتل کرکے سنسان کھنڈر میں پھینک دیا گیا پولیس نے تفتیش کرکے انکت نامی شخص کو گرفتار کیا تھا۔

مزید تفصیلات حاصل کرنے کے لیے جب پولیس ملزم کو عدالت میں پیش کیا تو وکیلوں میں سخت ناراضگی دیکھی گئی جس کے بعد وکیلوں نے ملزم کی جم کر پٹائی کی اور مطالبہ کر رہے تھے کہ اس کو بھی موت کی سزا دی جائے۔

اطلاعات کے مطابق انکت کو تین دن پولیس ریمانڈ میں لیا گیا ہے ۔