بھوپال: سادھوی پرگیہ کے خلاف مسلسل احتجاج

بھوپال میں لگاتار تیسرے روز سادھوی پرگیہ ٹھاکر کے خلاف کانگریس نے احتجاج کر کے ان کے خلاف کاروائی کا مطالبہ کیا۔

مدھیہ پردیش کے دارالحکومت بھوپال سے بھارتیہ جنتا پارٹی کی رکن پارلیمان سادھوی پرگیہ سنگھ ٹھاکر نے ناتھو رام گوڈسے کو محب وطن بتانے کے اپنے بیان پر معافی مانگ چکی ہیں لیکن ان پر بھارتیہ جنتا پارٹی کی جانب سے کوئی بڑی کارروائی نہیں کی گئی۔

کانگریس اس موضوع کو لے کر لگاتار مطالبہ کر رہی ہے کہ پرگیہ سنگھ ٹھاکر کے خلاف سخت کاروائی کی جائے۔

اس معاملے میں کانگریس کے رکن اسمبلی عارف مسعود نے ایک مرتبہ پھر سے سادھوی کے خلاف احتجاجی جلوس نکالا، وہیں کانگریس کے سینیئر رہنما کیلاش مشرا نے پارٹی کارکنان کے ساتھ پرگیہ سنگھ ٹھاکر کے خلاف مظاہرہ کیا۔

انہوں نے کہا انہیں(سادھوی) بھوپال کی عوام نے منتخب کیا ہے تو انہیں بھوپال کی ترقی کے لیے کام کرے نا کہ اس طرح کے متنازع بیانات دیں