بھوپال: ماب لنچنگ کے خلاف احتجاج

مدھیہ پردیش میں بڑھتی ماب لنچنگ کو لےکر رکن اسمبلی عارف مسعود کی قیادت میں بھوپال کی لیلیٰ ٹاکیز سے گورنر ہاؤس کا گھیراؤ کرکے گورنر کے نام میمورنڈم دیا گیا۔

بھوپال کے رکن اسمبلی عارف مسعود نے ریاست میں بڑھتی ماب لنچنگ کی وارداتوں کے خلاف اپنے حامیوں کے ساتھ احتجاج کیا اور ریاست کے گورنر کو میمورنڈم پیش کیا۔ ریاست مدھیہ پردیش کے ضلع نیمچ میں ایک قبائلی طبقے کے نوجوان کو ٹرک سے باندھ کر گھسیٹا گیا۔ علاج کے دوران متاثرہ شخص کی موت ہوگئی۔

بھارتی جنتا پارٹی کی حکومت میں بگڑتی قانونی انتظام کے خلاف رکن اسمبلی عارف مسعود کی قیادت میں بھوپال کی لیلیٰ ٹاکیز سے گورنر ہاؤس کا گھیراؤ کرکے گورنر کے نام میمورنڈم دیا گیا اس موقع پر بڑی تعداد میں کانگریس کارکنان نے احتجاج میں حصہ لیا۔

اس موقع پر رکن اسمبلی عارف مسعود نے کہا کہ 'ریاست مدھیہ پردیش امن اور سکون کا ٹاپو ہے۔ بھارتیہ جنتا پارٹی کی حکومت میں بگڑتے قانونی انتظامات کے چلتے یہاں ماب لنچنگ کی کئی وارداتیں لگاتار بڑھ رہی ہیں۔'

ضلع نیمچ میں قبائلی طبقے کے نوجوان کو ٹرک سے باندھ کر گھسیٹا گیا، اندور میں چوڑی بیچنے والے نوجوان کے ساتھ تو وہی دیو میں ایک پھیری لگانے والے کے ساتھ مارپیٹ کا معاملہ پیش آیا۔ ان سب وارداتوں سے ثابت ہوتا ہے کہ صوبے میں قانون نام کی کوئی چیز نہیں بچی ہے اور ملزموں کے حوصلے بلند ہیں۔'

رکن اسمبلی عارف مسعود نے کہا کہ 'ماب لنچنگ کی ان سب وارداتوں کو انجام دینے والوں پر این ایس اے کی کارروائی کرکے سی بی آئی جانچ کی جانا چاہیے۔'