کسان کی خودکشی کی کوشش کے معاملے میں چار پولیس اہلکار معطل

مدھیہ پردیش کے ضلع سنگرولی کے سرئی تھانہ احاطے میں ایک کسان کی خودکشی کی کوشش کے معاملے میں چار پولیس اہلکاروں کو معطل کردیا گیا ہے۔

پولیس ذرائع کے مطابق سرئی تھانہ علاقے کے گاؤں دودھمنیا کے رامانند پرجاپتی نے پولیس کے طریقہ کار سے تنگ آکر دو دن قبل تھانہ کے احاطے میں ہی خود پر پٹرول ڈال کر آگ لگالی تھی۔

موقع پر موجود پولیس اہلکاروں اور دیگر لوگ جب اسے بچانے پہنچے تب تک وہ تقریباً 50 فیصد سے زیادہ جھلس چکا تھا۔ اسے ضلع اسپتال لے جایا گیا، جہاں سے اسے بنارس ریفر کردیا گیا۔

پولیس ذرائع نے بتایا کہ اس معاملے میں اے ایس پی سنگرول پردیپ شنڈے نے ابتدائی جانچ کے دوران کل سرئی تھانے کے چار پولیس اہلکاروں کو سنگین طور پر قصور وار اور لاپروائی برتنے کے معاملے پر ں کارروائی کی ذمہ داری پولیس کپتان ابھیجیت رنجن کو سوپنی۔ جہاں تھانے کے ایس آئی شیو پرساد چترویدی، اے ایس آئی سندر لال، ہید کانسٹبل انل ورما اور مدریکا پرساد کو معطل کرتے ہوئے لائن حاضر کردیا گیا۔