پولیس نے مغویہ طالبہ کو آزاد کرایا

مدھیہ پردیش میں ضلع شیو پوری کے پچھور میں رہنے والی نابالغ طالبہ کو اغوا کاروں سے آزاد کراتے ہوئے پولیس نے ملزم کو گرفتار کر لیا ۔

پولیس ذرائع نے بتایا کہ نویں جماعت کی طالبہ کو ٹیکم گڑھ سے گزشتہ روز آزاد کرایا گیا اور اس کے بعد واپس پچھور لایا گیا ۔
اس معاملے میں ملزم چیت رام کو گرفتار کر لیا گیا، جو طالبہ کو اپنے ساتھ اگست ماہ میں لے گیا تھا اور اس کی عصمت دری بھی کی ۔

شکایت کے مطابق ملزم چیت رام طالبہ کے گھر سے کچھ فاصلے پر رہتا تھا ۔ وہ رواں برس اگست ماہ میں طالبہ کو اغوا کر کے اسے اپنے ساتھ لے گیا ۔ اس دوران لڑکی کو دہلی، دینارا اور پھر ٹیکم گڑھ میں رکھا گیا ۔

حال ہی میں لڑکی کے ہاتھ موبائل فون لگ گیا اور اس نے اپنے کسی جا ن پہچان والے شخص کو فون کرکے اپنی لوکیشن کی معلومات دی ۔

اس جان پہچان والے شخص نے اہل خانہ کو معلومات دی اور پولیس کی مدد سے لڑکی کو ٹیکم گڑھ سے آزاد کرایا گیا ۔ پچھور میں لڑکی نے پولیس کے سامنے دیے بیان میں الزام عائد کیا ہے کہ بیراڈ تھانے کے انچارج شیوناتھ سنگھ سیكروار نے بھی اس کی عصمت دری کی تھی ۔

اس نے اصل ملزم چیت رام کو منہ بولا رشتہ دار بتایا ہے ۔ حالانکہ اس الزام کو تھانہ انچارج نے مسترد کردیا ہے ۔

اس سلسلے میں پولیس سپرنٹنڈنٹ راجیش سنگھ چندیل نے کہا کہ لڑکی کے بیان میں کچھ معلومات سامنے آئی ہے ۔ اس دوبارہ بیانات درج کئے جا رہے ہیں اور اس بنیاد پر کارروائی کی جائے گی۔