بھوپال: بڑھتی مہنگائی سے عوام کو شدید مشکلات کا سامنا

بڑھتی مہنگائی سے اب ہر طبقہ پریشان ہے۔ عوام کا کہنا ہے کہ حکومت میں بیٹھے لوگ صرف سیاست کر رہے ہیں۔ عوام کا کوئی خیال نہیں رکھ رہا ہے۔ عوام دن بدن مہنگائی کے بوجھ میں دب رہی ہے۔

پورے ملک کے ساتھ۔ساتھ ریاست مدھیہ پردیش بھی کورونا سے متاثر ہوا، جس کے چلتے روزگار کے وسائل ختم ہوگئے اور لوگ اپنی روزی روٹی کے لئے پریشان ہونے لگے۔

اس پر ستم یہ کی ان لاک ہونے کے بعد عوام کے سامنے روزگار کے مسائل کھڑے ہوگئے تو وہی مہنگائی نے لوگوں کی کمر توڑ کر رکھ دی۔ جہاں پٹرول اور ڈیزل کی قیمتیں آسمان چھورہی ہے تو وہیں کھانے کے تیل اور دالوں کی قیمتوں میں اضافے نے لوگوں کے بجٹ بگڑ گئے ہیں اور حکومت میں بیٹھے لوگ صرف ان حالات کا تماشہ دیکھ رہے ہیں۔

لوگوں کا کہنا ہے جس طرح سے کورونا وبا کے بیچ لوگ پریشان ہوئے ہیں۔ اسے دیکھتے ہوئے حکومت کو چاہئے کی پریشان لوگوں کی کے فلاح کے راستے ہموار کرے تاکہ لوگ اپنے دو وقت کی روٹی سکون سے کھا سکیں اور کما سکیں۔

لوگوں کے مطابق اگر حکومت میں بیٹھے لوگوں کا رویہ یہی رہا تو وہ دن دور نہیں جب عوام انہیں ہٹا دے گی۔ اس لئے حکومت کو چاہئے کی مہنگائی پر کنٹرول کرے تاکہ لوگ راحت کی سانس لے سکیں۔