Paturai Scam: مدھیہ پردیش میں پٹورای امتحانات کا گھوٹالہ

ریاست مدھیہ پردیش میں سب سے بڑا تعلیمی گھوٹالہ ویاپم کا مانا جاتا رہا ہے۔ لیکن ریاست میں ایک ماہ قبل پٹواری امتحانات کا گھوٹالہ سامنے آیا ہے۔ جسے کانگرس ریاست کے سب سے بڑے گھوٹالے سے تعبیر کر رہی ہے۔

بھوپال: اور ریاست مدھیہ پردیش میں سب سے بڑا تعلیمی گھوٹالہ ویاپم سامنے آیا تھا۔ جسے لے کر بھارتی جنتا پارٹی سوالوں کے زد میں آج تک ہے۔ مگر ایک ماہ قبل بھارتی جنتا پارٹی کی حکومت میں ایک اور تعلیمی گھوٹالہ پٹواری گھوٹالا پیش آیا ہے۔ اس پٹواری گھوٹالے کو لے کر ریاستی کانگرس جی جے پی پر مسلسل سنگین الزام عائد کر رہی ہے۔ اسے لے کر کانگرس کے صوبائی دفتر میں پریس کانفرنس منعقد کی گئی۔ جس میں کانگرس کے رکن اسمبلی پی سی شرما نے کہا کہ ہم وزیراعلی شیوراج سنگھ چوہان سے یہ سوال پوچھنا چاہتے ہیں کہ انہوں نے پٹواری گھوٹالے کے لیے جو جانچ کا حکم جاری کیے تھے وہ ابھی تک شروع کیوں نہیں کیا گیا۔

پی سی شرما نے پٹواری گھوٹالے پر بات کرتے ہوئے کہا کہ یہ معاملہ اسمبلی سیشن میں بھی اٹھایا گیا تھا۔ انہوں نے کہا ایک رکن اسمبلی بی ایس پی سے بھارتی جنتا پارٹی میں شامل ہوتا ہے۔ اور ان کے کالج میں 10 لوگ پٹواری کے امتحانات میں بیٹھتے ہیں۔ اور 8 لوگ پاس ہو جاتے ہیں۔ تو کیا ہم یہ سمجھیں کہ بی ایس پی سے بھارتی جنتا پارٹی میں شامل ہونے پر انہیں یہ فائدہ پہنچایا گیا ہے۔

انہوں نے کہا ضلع بالا گھاٹ کا شخص گوالیار سے امتحان دیتا ہے اور امتحان میں اول نمبر آتا ہے۔ انہوں نے کہا ریاست مدھیہ پردیش میں مسلسل تعلیمی گھوٹالے سامنے آرہے ہیں۔ یہ سراسر ہمارے نوجوانوں کے مستقبل کے ساتھ کھیلا جا رہا ہے۔ انہوں نے کہا ایک لاکھ نوکریاں حکومت کے ذریعے نکالی جاتی ہے، جبکہ پورٹل پر وہ ایک یا دو ہی نظر اتی ہے۔ یہ ریاست کے ایک کروڑ نوجوان جو بے روزگار ہے ان کے ساتھ اس طرح کا کھیل کیوں کھیل رہی ہے۔

مزیدکہا کہ پٹواری گھوٹالے کو لے کر جو کمیشن بنایا گیا ہے۔ اس کے بارے میں ہمیں یہ پتہ چلا ہے، کہ اس گھوٹالے میں ملوث لوگوں کی گرفتاری نہیں ہوگی اور نہ ہی اب تک کسی کی گرفتاریاں ہوئی ہیں۔ دسمبر 2022 سے فروری 2023 تک یہ فارم جمع ہوئے۔ 15 مارچ سے 26 اگست تک پٹواری بھرتی کے امتحانات ہوئے۔ اور پھر 1 جولائی 2023 کو پٹواری بھرتی کے نتائج سامنے آتے ہی مخالفت شروع ہو گئی۔

پی سی شرما نے مزید کہا کہ اس پٹواری گھوٹالے کا اثر عوام پر صاف نظر آرہا ہے۔ کیونکہ جب جبلپور میں پرینکا گاندھی عوام سے خطاب کر رہی تھی اور جب خطاب کرتے ہوئے انہوں نے پٹواری لفظ کہا تو وہاں بیٹھی بڑی تعداد میں عوام نے اس پٹواری گھوٹالے کو ایک بڑا گھوٹالہ قرار دیا۔ لیکن افسوس بھارتی جنتا پارٹی کی حکومت نے اس پر کمیشن تو بنایا لیکن ذمہ داران کی جانب سے کسی بھی طرح کی کوئی کاروائی نہیں کی جا رہی ہے۔