ریاست مدھیہ پردیش کے صنعتی شہر اندور میں چھ مہینے کے بعد تمام مذہبی مقامات کو کھول دیا گیا ہے۔ صوبے کا تجارتی دارالحکومت کہے جانے والا اندور جو اب کورونا کا مرکز بن گیا ہے۔ یہاں روز بروز کورونا کے مریضوں میں اضافہ ہوتا جا رہا ہے۔ اس کے باوجود تمام مذہبی مقامات کو کھولنے کا حکم جاری کیا گیا ہے۔
کورونا سے بچنے کے لیے انتظامیہ نے 189 دنوں سے تمام مذہبی مقامات کے دروازے بند کر رکھے تھے مگر اب انلاک 4 کے بعد تمام مذہبی مقامات پر عبادت کرنے کے لیے انتظامیہ کی جانب سے جاری کردہ کورونا گائیڈلائن کے مطابق تمام مذہبی مقامات کو کھولنے کی اجازت دی گئی ہے۔
واضح رہے کہ صوبے میں کورونا کا سب سے زیادہ پھیلاؤ صنعتی شہر اندور میں ہوا ہے۔ یہاں کورونا سے متاثرہ مریضوں کی مجموعی تعداد 23524 ہے جبکہ صحتیاب ہو کر ہسپتال سے گھر لوٹنے والوں کی تعداد 18510 تک درج کی گئی ہے جبکہ 558 کی افراد کی اموات کی بھی تصدیق کی گئی ہے۔