مدھیہ پردیش اردو اکیڈمی کا آن لائن 'گمک' پروگرام

مدھیہ پردیش اردو اکیڈمی محکمہ ثقافت کی جانب سے ریاست میں ان لاک کے بعد آن لائن پروگرامز منعقد کئے جارہے ہیں جبکہ ضرورت مند اور بیمار ادیبوں و شاعروں کو مشاعرہ اور ویبنار میں دعوت دی جارہی ہے۔

مدھیہ پردیش میں لاک ڈاؤن کے سبب سب کچھ ٹھپ رہا لیکن اب ریاست میں پوری طرح سے ان لاک عمل مکمل ہوچکا ہے اور تمام لوگ اپنی اپنی زندگی کو ایک بار پھر پہلے کی طرح پٹری پر لانے کی کوشش کر رہے ہیں۔

اسی بیچ مدھیہ پردیش اردو اکیڈمی محکمہ ثقافت "گمک پروگرام" شروع کیا گیا جس کا آن لائن انعقاد عمل میں لایا گیا۔ اس پروگرام میں ریاست کے فنکاروں نے حصہ لیا جس میں شام غزل, چار بیت اور قوالی جیسے پروگرام پیش کیے جا رہے ہیں۔ اس کے علاوہ شعراء اور ادیبوں کے لئے ویبنار کے ذریعہ مشاعرے اور ادبی پروگرام منعقد ہو رہے ہیں۔

پروگرام میں اردو اکیڈمی، ان شعراء اور ادیبوں کا بھی خیال رکھ رہی ہے جو بیمار اور ضرورت مند ہیں۔ مدھیہ پردیش اردو اکیڈمی کے مطابق جب تک سب کچھ معمول پر نہیں آ جاتا ہے تب تک یہ سلسلہ جاری جاری رہے گا تاکہ پروگرام ہوتے رہے اور شعرا, ادیبوں اور فنکاروں کو فائدہ پہنچ سکے۔