لال جی ٹنڈن کی حلف برداری

مدھیہ پردیش کے نو منتخب گورنر لال جی ٹنڈن 29 جولائی 2019 کو راج بھون میں منعقد تقریب میں عہدے کا حلف لیں گے۔

سرکاری ذرائع کے مطابق ریاست کے ایگزیکٹو چیف جسٹس آر ایس جھا مسٹر ٹنڈن کو صبح گیارہ بجے گورنر کے عہدے کا حلف دلائیں گے۔

اس کے قبل ٹنڈن خصوصی طیارے سے آج یہاں پہنچے۔ اسٹیٹ ہینگر پر ریاست کے تعلقات عامہ کے وزیر پی سی شرما، کئی عوامی نمائندوں اور سیننئر حکام نے ان کا استقبال کیا۔

ٹنڈن اب تک بہار کے گورنر کی ذمہ داری ادا کر رہے تھے۔

حال ہی میں انہیں مدھیہ پردیش کا گورنر بنایا گیا ہے۔ مدھیہ پردیش کی گورنر محترمہ آنندی بین پٹیل کو اترپردیش منتقل کیا گیا ہے۔