لاء اینڈ آردڑ کی بگڑتی صورتحال پر سونیا گاندھی ناراض

راجستھان کی قانونی صورت حال پر اب سیاست پھر سے تیز ہوگئی ہے، کانگریس کی قومی صدر سونیا گاندھی نے ریاست کے وزیراعلی سے اس سلسلے میں ایک ملاقات کی ہے۔

راجستھان کے وزیراعلی اشوک گہلوت سے ملاقات کے دوران سونیا گاندھی نے اپنی ناراضگی ظاہر کی۔ ریاست کی بگڑتی قانونی صورت حال پر خود نائب وزیراعلی سچن پائلٹ نے بھی سوال اٹھایا ہے۔

کہا جارہا ہے کہ اس ملاقات میں سونیا گاندھی نے اشوک گہلوت سے اپنی ناراضگی کا اظہار کیا ہے اور ریاست میں قانونی صورت حال کو سنجیدگی کے ساتھ سدھارنے کی نصیحت بھی کی ہے۔

وہیں کانگریس کے ریاستی انچارچ نے بھی اس بات کا اعتراف کرتے ہوئے کہا ہے کہ ریاست میں قانونی صورت حال کو سدھارنے کی ضرورت ہے۔

لیکن انھوں نے ریاستی حکومت کا دفاع کرتے ہوئے کہا ہے کہ بی جے پی اقتدار والی ریاستوں میں قانونی صورت حال کے بارے میں سب جانتے ہیں اس لحاظ سے راجستھان کی قانونی صورت حال بی جے پی کے اقتدار والی ریاستوں سے بہتر ہے۔