مرکزی حکومت کے خلاف ٹریڈ یونین کی ملک گیر ہڑتال

بھارتیہ کمیونسٹ پارٹی، ٹریڈ یونین کی جانب سے آج ملک گیر ہڑتال رکھی گئی ہے۔ یہ ہڑتال مرکزی حکومت کی پالیسیوں کے خلاف ہے۔ جس میں مزدوروں، کسانوں اور ملازمین نے شرکت کی۔

ریاست مدھیہ پردیش کے ساتھ ساتھ پورے ملک میں آج 26 نومبر کو بھارتی کمیونسٹ پارٹی، ٹریڈ یونین کے ذریعہ ہڑتال رکھی گئی ہے جس میں مزدوروں، کسانوں اور ملازمین نے شرکت کی۔

اس ہڑتال کا مقصد ہے کہ مزدور، کسان اور ملازمین اپنی یکجہتی کو حکومت کے سامنے رکھیں۔ اس احتجاج کے ذریعہ مرکزی حکومت کی پالیسیوں کی مخالفت کرتے ہوئے کہا گیا ہے کہ حکومت صرف ملک کے دولت مند لوگوں کو اور امیر اور غریبوں کو اور غریب بنا رہی ہے۔

یہاں اس بات کو بھی کہا گیا کہ آج کی حکومت آئینی حقوق، مذہبی آزادی اور محنت کشوں کے حقوق ان سے چھین رہی ہے۔

وہیں، کورونا کے چلتے جس طرح کی پریشانیاں عوام نے اٹھائی ہیں، لوگ بے روزگار ہوئے ہیں، انہیں اب تک اس معاوضہ نہیں دیا گیا ہے۔

مرکزی حکومت کے خلاف ٹریڈ یونین کی ملک گیر ہڑتال

حکومت کارپوریٹ گھرانوں کو آگے بڑھانے میں لگی ہے۔ وہیں، کسانوں کے لیے بنائی گئی پالیسیز سے کسانوں کو نقصان کے علاوہ کچھ نہیں ملنے والا ہے۔

بھارتیہ کمیونسٹ پارٹی کا کہنا ہے کہ جس طرح کی پالیسیز مرکزی حکومت بنا رہی ہے، اس سے غریبوں کو نقصان اور امیروں کو فائدہ پہنچ رہا ہے جو کہ اس خراب دور میں نہیں ہونا چاہیے تھا۔