سر عام قتل کی واردات سی سی ٹی وی کیمرے میں قید

مدھیہ پردیش کے شہر اجین میں ڈیوٹی پر جارہے سیکورٹی گارڈ کو دو افراد نے سر عام قتل کر دیا جس کا ویڈیو سی سی ٹی وی کیمرے میں قید ہو گیا ہے۔

اجین کے رہنے والے اشوک چوہان پیشے سے سیکورٹی گارڈ ہیں اور وہ دیوٹی پر جا رہے تھے کہ راستے میں دو افراد نے ان پر حملہ کیا جس اشوک کی موقع پر ہی موت ہوگئی۔

تفصیلات کے مطابق تھانہ نیل گنگا علاقے میں اشوک چوہان ایک پرائیویٹ ہسپتال میں سیکورٹی گارڈ کی ملازمت کرتے تھے گذشتہ روز جب وہ ڈیوٹی کرنے جا رہے تھے تب راستے میں دو افراد نے انہیں روکا اور ہتھیار سے پے درپے حملے کر کے ان کا قتل کر دیا۔

قتل کا یہ واقعہ سی سی ٹی وی کیمرے میں قید ہوگیا۔

بتایا جا رہا ہے کہ قاتلوں کا اشوک کی بہن کے گھر آنا جانا تھا جس سے اشوک کو اعتراض تھا اس لیے انہوں نے اشوک کا قتل کر دیا۔

ابتدائی تحقیقات میں پتہ چلا ہے کہ قاتل کا نام شیرو ہے اور وہ ہی مقتول کے گھر آتا جاتا تھا، پولیس سی ٹی ٹی وی فوٹیج کی مدد سے کاروائی کر رہی ہے۔