'پتھر بازوں کو سخت سزا ملنی چاہیے'

بھوپال کی رکن پارلیمان پرگیہ سنگھ ٹھاکر نے کہا کہ، 'مندر کے کاموں میں رکاوٹ پیدا کی جا رہی ہے۔' ساتھ ہی کہا کہ، 'پتھر بازوں کو سخت سزا ملنی چاہیے۔'

ریاست مدھیہ پردیش کے دارالحکومت بھوپال کی رکن پارلیمان پرگیہ سنگھ ٹھاکر نے نامہ نگاروں سے بات کرتے ہوئے کہا کہ، 'ہم رام بھگوان کی پوجا کرتے ہیں اور ان کا مندر بنانے کے لیے ہم لوگوں سے مدد مانگ رہے ہیں۔ ہم کسی پر زبردستی نہیں کر رہے ہیں اور ہمیں اپنے مذہب کے لئے پوجا کرنے کا حق ہے اور یہی دوسرے مذہب کے لوگوں کا بھی حق ہے۔'

انہوں نے کہا کہ، 'لیکن اگر کسی نے ہمارے مذہب کے خلاف غلط آواز اٹھائے گا یا غلط قدم اٹھائے گا، تو انہیں ہم منہ توڑ جواب دیں گے۔

اور جس طرح سے ہندو مذہب کے لوگوں پر حملہ کیا جا رہا ہے وہ ہم برداشت نہیں کریں گے۔'

پرگیہ سنگھ ٹھاکر نے کہا کہ، 'یہ پورے ملک کا ماحول بگاڑنے کا کام کیا جا رہا ہے۔'

ریاستی حکومت کے ذریعے پتھر بازوں پر بنائے جانے والے قانون پر انہوں نے کہا کہ ایسے سخت قانون بنائے جانے کی بہت ضروری ہے۔