مدھیہ پردیش کے سابق وزیراعلیٰ اور کانگریس کے سینئر لیڈر کمل ناتھ نے ریاستی حکومت سے درخواست کرتے ہوئے کہا کہ حکومت کو ریاست کے سرکاری ملازمین کا مہنگائی بھتہ فوری طور پر بڑھانا چاہیے۔
کمل ناتھ نے اپنے ٹویٹ میں کہا کہ ’پیارے شیوراج جی‘ مدھیہ پردیش میں سرکاری ملازمین کا ڈے اے میری حکومت نے بڑھایا تھا، جسے آپ نے گدی پر بیٹھتے ہی رد کردیا۔ اس کے بعد آپ نے ڈی اے میں اضافہ نہیں کیا۔ اب تومرکزی حکومت نے بھی ڈی اے بڑھا دیا ہے، ریاستی حکومت کو بھی فوری طور سے لاکھوں سرکاری ملازمین کا ڈی اے بڑھا دینا چاہیے۔
مزید پڑھیں: DA Hike: مرکزی ملازمین کا ڈی اے 11 فیصد سے بڑھ کر 28 فیصد ہوا
واضح رہے کہ گذشتہ روز مرکزی حکومت نے مہنگائی بھتہ 11 فیصد سے 28 فیصد تک اضافہ کرنے کا فیصلہ کیا ہے۔ تاہم اپوزیشن جماعتیں جلد از جلد مہنگائی بھتہ جاری کرنے کا مطالبہ کر رہی ہے۔
ہم آپ کو بتا دیں کہ مہنگائی بھتہ یعنی مہنگائی الاؤنس تنخواہ کا ایک حصہ ہے۔ یہ ملازم کی بنیادی تنخواہ کا ایک مقررہ حصہ ہوتا ہے۔ ملک میں افراط زر کے اثر کو کم کرنے کے لیے حکومت اپنے ملازمین کو مہنگائی الاؤنس ادا کرتی ہے۔ وقتاً فوقتاً اس میں توسیع کی جاتی ہے۔ پنشنرز کو مہنگائی ریلیف (DR) کا فائدہ بھی ملتا ہے۔
ڈی اے کا حساب کتاب کرنے کے لیے حکومت آل انڈیا کنزیومر پرائس انڈیکس کی بنیاد پر افراط زر کی شرح کو بنیاد کے طور پر لیتی ہے اور اس کی بنیاد پر سرکاری ملازمین کے ڈی اے میں ہر دو برس بعد ترمیم کی جاتی ہے۔
یو این آئی
