Morena Chambal Incident درشن کیلئے جارہے عقیدت مند چمبل ندی میں بہہ گئے، چار لاشیں برآمد

راجستھان کے کرولی ضلع میں کیلا دیوی کے درشن کے لیے جارہے عقیدت مند چمبل ندی میں ڈوب گئے۔ پولیس نے تیراک کی مدد سے ایک خاتون سمیت چارلاشیں برآمد کرلی ہیں جب کہ 10 افراد کو بچایا گیا ہے۔ تین لاپتہ عقیدت مندوں کی تلاش جاری ہے۔

مورینا/ کرولی:مدھیہ پردیش اور راجستھان سرحد پر ایک بڑا حادثہ پیش آیا ہے۔ کرولی ماتا مندر درشن کے لیے جارہے متعدد عقیدت مند چمبل ندی میں ڈوب گئے۔ پولیس نے تیراک کی مدد سے ایک خاتون سمیت چار افراد کی لاشیں برآمد کرلی ہیں۔

مدھیہ پردیش اور راجستھان کی سرحد پر ایک بڑا حادثہ پیش آیا ہے جہاں کرولی دیوی کے درشن کرنے جانے والے عقیدت مند چمبل ندی میں بہہ گئے۔ بتا دیں کہ تقریباً ڈیڑھ درجن عقیدت مند مدھیہ پردیش کے شیو پوری سے راجستھان کے کرولی ضلع میں کیلا دیوی کے درشن کے لیے جا رہے تھے۔ اس دوران مندریال کے رودھائی گھاٹ چمبل ندی میں یہ حادثہ ہوا۔ اس وقت مقامی تیراک کی مدد سے 1 خاتون سمیت 4 افراد کی لاشیں نکال لی گئی ہیں جب کہ 10 افراد کو بچا لیا گیا ہے۔ دیگر تین عقیدت مندوں کی تلاش جاری ہے۔ حادثے کی اطلاع ملتے ہی پولیس اور انتظامیہ کے اہلکار موقع پر پہنچ گئے ہیں۔

مقامی لوگوں سے موصولہ اطلاعات کے مطابق مدھیہ پردیش کے شیوپوری ضلع کے سلائیچون گاؤں کے رہنے والے کشواہا برادری کے 17 افراد کا ایک گروپ کیلا دیوی کے درشن کے لیے جا رہا تھا، اس دوران کرولی ضلع کے مندریال سے ہوکر عقیدت مند چمبل کے رودھائی گھاٹ پر پانی سے گزر رہے تھے تبھی پانی کے تیز بہاؤ اور پاؤں پھسلنے کی وجہ سے تمام عقیدت مند چمبل ندی میں بہہ گئے۔

یاد رہے کہ ہر سال کرولی کے کیلادیوی مندر میں چیترا نوراتری سے قبل لکھی میلہ لگتا ہے جس میں راجستھان، مدھیہ پردیش کے علاوہ دیگر ریاستوں سے بھی عقیدت مند پہنچتے ہیں۔ ان میں بڑی تعداد پیدل سفر کرنے والوں کی ہوتی ہے۔ اس مرتبہ یہ میلہ 19 مارچ اتوار سے شروع ہورہا ہے۔ اس کے لیے ابھی سے عقیدت مند کیلادیوی پہنچنے لگے ہیں۔