مدھیہ پردیش میں برہان پور، نہرو نگر کے رہائشی ایک مسلم نوجوان کو اپنے آٹو کے پیچھے وزیر اعظم نریندر مودی اور آر ایس ایس سربراہ موہن بھاگوت کی تصویر لگانا مہنگا پڑ گیا ہے۔ معاشرے کے لوگ اب نوجوان سے غلط برتاؤ کرنے لگے ہیں۔ لوگوں کی برتاؤ سے تنگ آکر نوجوان نے پولیس سپرنٹنڈنٹ راہول کمار لودھا سے ملاقات کی اور اپنی شکایت درج کرائی۔ Modi Bhagwat Photo On Auto
شیخ اکبر آٹو رکشہ چلاتے ہیں۔ ان کے مطابق وہ کچھ عرصہ پہلے بے روزگار تھے ان کے پاس رہنے کو گھر بھی نہیں تھا، لیکن پردھان منتری آواس یوجنا کے تحت شیخ اکبر کو روزگار اور مکان دونو مل گیا، وزیر اعظم کی اسکیمز سے خوش ہوکر شیخ اکبر نے اپنے آٹو رکشا کے پیچھے وزیر اعظم مودی اور موہن بھاگوت کی تصویر لگاکر شہر میں آٹو چلانا شروع کردیا، لیکن معاشرے کے کچھ لوگوں کو یہ بات اچھی نہیں لگی اور وہ انہیں برا بھلا کہنے لگے۔ اکبر کا الزام ہے کہ لوگوں نے ان کی پٹائی بھی کی اور دھمکی بھی دی کہ اگر اس نے یہ تصویر نہ ہٹائی تو وہ اسے جان سے مار دیں گے۔ Modi Bhagwat Photo On Auto