کورونا کے سبب مدھیہ پردیش اسمبلی اجلاس ملتوی

میٹنگ میں وزیراعلی شیوراج سنگھ چوہان، پارلیمانی امور کے وزیر نروتم مشرا، سابق وزیراعلی کمل ناتھ، کانگریس رکن اسمبلی سجن سنگھ ورما اور دیگر سنیئر عوامی نمائندے بھی موجود تھے۔

مدھیہ پردیش اسمبلی کا 20 جولائی سے شروع ہونے والا مانسون اجلاس ریاست میں کورونا انفکشن کے مریضوں میں اضافہ کی وجہ سے ملتوی کر دیا گیا۔

عارضی اسپیکر رامیشور شرما کی صدارت میں کُل جماعتی میٹنگ میں بات چیت کے بعد یہ فیصلہ کیا گیا۔ میٹنگ میں وزیراعلی شیوراج سنگھ چوہان، پارلیمانی امور کے وزیر نروتم مشرا، سابق وزیراعلی کمل ناتھ، کانگریس رکن اسمبلی سجن سنگھ ورما اور دیگر سنیئر عوامی نمائندے بھی موجود تھے۔

ذرائع کے مطابق میٹنگ میں طے کیا گیاکہ بھوپال اور دیگر شہروں میں کورونا کے معاملات مسلسل بڑھ رہے ہیں جس کے مدنظر اجلاس ملتوی کیا جانا چاہئے۔ بالآخر اس پر فیصلہ کر لیا گیا۔

اجلاس 20 جولائی سے شروع ہو کر پانچ دن تک جاری رہنے والا تھا۔ اس دوران مالی سال 21۔2020 کے لئے بجٹ بھی منظور ہونا تھا۔