بھوپال: کورونا کا سب سے زیادہ اثر گیس متاثرین پر

بھوپال میں اب تک کورونا وائرس سے جتنی بھی اموات سامنے آئی ہے اس میں 75 فیصد لوگ گیس متاثرین ہیں۔

ریاست مدھیہ پردیش کے دارالحکومت بھوپال میں جیسے ہی کورونا نے اپنا پھیلاؤ شروع کیا تھا تو سب سے پہلے ای ٹی وی بھارت نے گیس متاثرین تنظیم کے ساتھ مل کر اس کو سب کے سامنے رکھی تھی کہ اگر کورونا بھوپال میں پھیلا تو اس سے سب سے زیادہ وہ لوگ متاثر ہوں گے جو گیس سے متاثر ہیں۔ اور یہ بات درست نکلی کیونکہ اب تک کورونا وائرس سے جتنی بھی اموات سامنے آئی ہے اس میں سے 75 فیصد لوگ گیس متاثرین ہیں۔

گیس متاثرین تنظیموں نے بار بار حکومت کو اس بات سے آگاہ کیا تھا کہ گیس متاثرین میں پہلے سے ہی کئی بیماریاں موجود ہے جس کی وجہ سے ان کے ایمنسٹی پاور کم ہے۔ اس لیے کورونا ان پر زیادہ اثر کرے گا۔

وہیں گیس تنظیموں نے اس بات کو ریاستی حکومت سے گیس متاثرین کے لیے کورونا بیداری مہم چلانے کا مطالبہ کیا تھا اور جس طرح سے ریاستی حکومت کو اس جانب کام کرنا چاہیے تھا وہ کام نہیں ہو پایا۔