Mosque Opens Door to Non-Muslims: برادران وطن کو دیواس کی مسجد میں مدعو کیا گیا

مدھیہ پردیش کے دیواس میں مدینہ مسجد انتظامیہ نے برادران وطن میں پھیلی غلط فہمیوں کو دور کرنے کی غرض سے مسجد میں انہیں مدعو کیا۔ Mosque Opens Door to Non-Muslims

مسجد اور اسلام کو لے کر برادران وطن میں پھیلی غلط فہمیوں کو دور کرنے کی غرض سے مدھیہ پردیش کے دیواس شہر کی مدینہ مسجد انتظامیہ نے برادران وطن کو مسجد میں مدعو کیا تاکہ انہیں مسجد، نماز، اذان و دیگر عبادات سے متعلق معلومات فراہم کی جاسکے۔ اس موقع پر برادران وطن کو یہ بھی بتایا گیا کہ کس طرح مسجد میں ہر روز سرگرمیاں جاری رہتی ہیں اور مساجد و اسلام سے متعلق پھیلی ہوئی غلط فہمیوں کو دور کرنے کی کوشش کی گئی۔

مسجد پہنچے بھگوان ناتھ آلخبم نے بتایا کہ یہ پہلا موقع ہے جب ہم مسجد میں آئے ہیں جس طرح سے ہندو اور مسلمان کے درمیان ماحول بنایا جارہا ہے ایسے میں اس طرح کی کوشش سے ماحول کو بہتر بنایا جاسکتا ہے۔ وہیں ابوالکلام فاروقی نے کہا کہ ملک میں مذہب اسلام اور مساجد کو لے کر جس طرح سے غلط فہمیاں پھیلائی جارہی ہیں، انہیں دور کرنے کے لیے برادران وطن کو مسجد میں مدعو کیا تاکہ انہیں اسلام سے متعلق صحیح معلومات دی فراہم کی جائیں۔