مودی حکومت کا مہنگائی کم کرنے کا نعرہ جملہ ثابت ہوا: کمل ناتھ

کانگریس کے سینئر رہنما اورسابق وزیراعلیٰ کمل ناتھ نے کہا ہے کہ مہنگائی سے راحت دلانے کا نعرہ دینے والی مودی حکومت میں آج پٹرول اور ڈیزل کی قیمتیں آسمان چھورہی ہیں۔

ریاست مدھیہ پردیش کے سابق وزیراعلیٰ کمل ناتھ نے کہا ہے کہ مہنگائی سے راحت دلانے کا نعرہ دینے والی مودی حکومت میں آج پٹرول اورڈیزل کی قیمتیں آسمان چھورہی ہیں۔

کمل ناتھ نے آج ٹویٹ کے ذریعہ کہا ’مہنگائی سے راحت کا نعرہ دینے والی مودی حکومت میں پٹرول اورڈیزل کی آسمان چھوتی قیمتوں، اشیائے خورد و نوش کی قیمتوں میں اضافے کی وجہ سے خوردہ مہنگائی کی شرح مئی میں بلندترین سطح 6.3 فیصد پر پہنچ گئی ہے۔

انہوں نے سلسلے وار ٹویٹ میں لکھا 'ہول سیل مہنگائی کی شرح 12.94 فیصد کے ریکارڈسطح پر پہنچ گئی ہے۔ ایندھن اوربجلی کی مہنگائی بڑھ کر مئی میں 11.58 فیصد ہوگئی ہے، وہیں دال کی قیمتوں میں یہ بڑھ کر 9.39 فیصد ہوگئی ہے۔ عوام کا زندہ رہنا مشکل ہوگیا ہے۔ کیا یہی اچھے دن ہیں۔ مہنگائی کم کرنے کا نعرہ بھی جملہ ثابت ہوا۔'

یواین آئی۔