MLA Arif Masood آؤ نفرتوں کو مٹائیں، جنگ آزادی پکھواڑا منائیں

تحریک آزادی میں علماؤں کی قربانی کے موضوع پر مسلسل 11 سال سے عارف مسعود فینس کلب کے ذریعہ مختلف مقامات پر بچوں کے مقابلے کے پروگرام کے انعقاد کا سلسلہ جاری ہے۔ ہر سال کی طرح امسال بھی یہ پروگرام 5 اگست سے منعقد کیے جائیں گے۔

بھوپال: ریاست مدھیہ پردیش کے دارالحکومت بھوپال میں رکن اسمبلی عارف مسعود نے آج پریس کانفرنس کو خطاب کرتے ہوئے بتایا کہ ہمارے ذریعہ لگاتار 11 سالوں سے جشن آزادی کا پکھواڑا منایا جا رہا ہے۔ اس سال بھی یہ پروگرام 5 اگست سے شروع ہو کر 13 اگست تک چلے گا جو بھوپال میں الگ الگ جگہوں پر منعقد کیا جائے گا جس میں پانچویں کلاس سے بارہویں کلاس کے طلبات اس مقابلے میں حصہ لیں گے۔

انہوں نے کہاکہ ہندوستان کی آزادی میں علماؤں کی قربانی کے عنوان پر اپنے خیالات رکھیں گے۔ ان مقابلوں میں حصہ لینے والے سبھی طلبات کو ٹرافی اور نقد انعامات تقسیم کیے جائیں گے۔اس پروگرام کی تمام تر تیاریاں مکمل کرلی گئی ہے۔

رکن اسمبلی عارف مسعود نے کہا کہ ہمارا اس طرح کے پروگرام کا مقصد ہے کہ جنگ آزادی میں حصہ لینے والے مسلم شہید علماء اور مجاہد آزادی کے نام تاریخ کے ورک سے سوچی سمجھی سازش کے تحت ہٹائے جا رہے۔ آنے والی نسلوں میں مسلمانوں کے لیے نفرت پیدا کی جا رہی ہے۔ اس نفرت کو مٹانے کے لیے اور ملک میں امن اور بھائی چارہ بنائے رکھنے کے لیے اس طرح کے پروگرام کا انعقاد کیا جاتا ہے۔

انہوں نے مزید کہا کہ آزادی کے سنہری تاریخ کو سب کے سامنے لایا جائے۔اس آزادی کی لڑائی میں مدرسوں کے طلبہ اور علمائے دین کی قربانیوں کو یاد کیا جائے۔ ہماری کوشش ہے کہ ہم اپنے علماؤں کی قربانیوں کو یاد رکھیں ۔آنے والی نسلوں کو اس کے بارے میں بتائیں۔ اسی مقصد کے تحت ہم پچھلے 11 سالوں سے جنگ آزادی کے پکھواڑے کا انعقاد کر رہے ہیں تاکہ ہمارے نئے زمانے کی نسلوں کو یہ پتہ چلے کہ ہندوستان کی آزادی ہمارے علماؤں کی قربانی کے بدلے ہمیں ملی ہے۔

واضح رہے کہ پچھلے 11 سالوں سے نئی نسل کو آزادی کی اہمیت اور جنگ آزادی میں شہید ہوئے علماؤں کے تعلق سے روبرو کروا رہی ہے۔ اور اس سال بھی یہ پروگرام 5 اگست سے لے کر 13 اگست تک رکن اسمبلی عارف مسعود کے اسمبلی حلقے میں منعقد کیا جا رہا ہے ۔