بھوپال میں اجتماعی شادیوں کا انعقاد

بھوپال میں اسماعیل بیگ آرگنائزیشن کی جانب سے اجتماعی نکاح تقاریب کا اہتمام کیا گیا جس کا مقصد فضول خرچی سے بچتے ہوئے شادی کو آسان و مسنون طریقہ سے کرنا تھا۔ اس موقع پر کورونا گائیڈ لائن پر سختی سے عمل کیا گیا۔

مدھیہ پردیش کے دارالحکومت بھوپال میں آج تنظیم اسماعیل بیگ آگنائزیشن کے زیراہتمام اجتماعی شادیوں کا اہتمام کیا گیا جس میں 20 جوڑوں کا نکاح پڑھایا گیا۔

کورونا وبا کے چلتے اجتماعی شادیوں کی تقریب کے موقع پر حکومت کی جانب سے نافذ کی گئی گائیڈ لائین پر سختی سے عمل کیا گیا۔ اس موقع پر آرگنائزیشن کے ذمہ دار اسماعیل بیگ نے بتایا کہ اجتماعی شادیوں کا مقصد فضول خرچی سے بچنا ہے۔ انہوں نے شادیوں کے موقع پر جہیز و دیگر غیرشرعی رسومات سے پرہیز کرنے کا مشورہ دیا۔

بھوپال میں اجتماعی شادیوں کا انعقاد

آرگنائزیشن کی جانب سے ہر سال بڑے پیمانہ پر اجتماعی شادیوں کی تقریب منعقد کی جاتی تھی جس میں سو سے زائد جوڑوں کا نکاح پڑھایا جاتا تھا تاہم کورونا وبا کے چلتے اس سال تقریب چھوٹے پیمانہ پر منعقد کی گئی۔