جعلی ریمڈیسیور انجیکشن کے ساتھ ایک شخص گرفتار

اندور میں کرائم برانچ کی ٹیم نے جعلی ریمڈیسیور انجیکشن بنا کر سپلائی کرنے والا ایک شخص کو گرفتار کیا ہے۔ گرفتار سخص کے پاس سے 400 جعلی ریمڈیسیور انجیکشن بھی برآمد ہوئے ہیں۔

مدھیہ پردیش میں کورونا تیزی سے پھیل رہا ہے۔ اس دوران سب سے زیادہ مانگ والے انجیکشن ریمڈیسیور کی جم کر کالا بازاری کی جا رہی ہے۔

اندور میں کرائم برانچ نے جعلی ریمڈیسیور انجیکشن بنا کر سپلائی کرنے والے ایک شخص کو گرفتار کیا ہے۔ اس کے پاس سے پولیس نے جعلی ریمڈیسیور انجیکشن کے 400 وائل بھی برآمد کیے ہیں۔

پولیس نے بتایا کہ یہ انجیکشن ہماچل میں غیر قانونی طور پر تیار کیا گیا ہے اور اس کو ہماچل سے اندور لاکر پیتھم پور کی فارما کمپنی کے نام سے بیچنے کی تیاری کی جارہی تھی۔ لیکن اس سے پہلے ہی کرائم برانچ کو اس کا پتہ چل گیا اور کرائم برانچ نے کاروائی کرتے ہوئے انجکشن کے ساتھ ایک شخص کو گرفتار کرلیا۔