Madrasa Survey مدھیہ پردیش میں بھی مدارس کے سروے کا کام شروع

ریاست اترپردیش کے بعد مدھیہ پردیش میں بھی مدارس کے سروے کا کام شروع کیا گیا۔ان مدرسوں کو بند کرنے کا کام جاری ہے جو حکومت کے معیار پر کھرے نہیں اتر رہے ہیں۔ لیکن وہی حکومت ان مدارس کو سہولیات نہیں دے رہی ہے جو مدارس وزیراعظم اور حکومت کی منشا کے مطابق چل رہے ہیں۔Madrasa Survey

بھوپال:مدھیہ پردیش کے دارالحکومت بھوپال کے ساتھ پوری ریاست کے مدارس کا سروے شروع کر دیا گیا ہے۔ اور جو مدارس حکومت کی منشا کے مطابق کھرے نہیں اتر رہے ہیں ان مدارس کو بند بھی کیا جا رہا ہے۔ Madrasa Survey Conduct In Madhya Pradesh

لیکن وہی حکومت اور وزیر اعظم نریندر مودی کی منشا کے مطابق مدارس کے بچوں کے ایک ہاتھ میں قرآن اور دوسرے ہاتھ میں لیپ ٹاپ ہو ایسے مدارس حکومت کی سہولیات سے محروم نظر آ رہے ہیں۔

ایسا ہی ایک مدرسہ دارالحکومت بھوپال کے باغ سونیا علاقے میں موجود ہیں۔ جوکی طوبہ انسٹیٹیوٹ آف مورل ایجوکیشن سوسائٹی کے نام سے چلایا جا رہا ہے۔ جہاں طلبہ کو نہ صرف قرآن کی تعلیم دی جا رہی ہے بلکہ یہاں پر ان مدارس کے طلباء کو دنیاوی تعلیم سے بھی آراستہ کیا جا رہا ہے۔ طوبہ انسٹیٹیوٹ آف مارل ایجوکیشن کے ذمہ دار بتاتے ہیں کہ حکومت جس طرح کا مدرسوں کا سروے کر رہی ہے ہم اس کا استقبال کرتے ہیں۔ کیونکہ ہر تعلیم ادارے کو چاہیے کی اگر وہ بچوں کو تعلیم دے رہے ہیں تو انہیں اپنے کاغذات مکمل طور سے تیار رکھنا چاہیے۔

بھوپال کا یہ مدرسہ مسلم طالبات کو چھٹوی کلاس سے داخلہ دیتا ہے جہاں مدھیہ پردیش تعلیمی بورڈ کے ساتھ عالم کا کورس بھی کروایا جا رہا ہے۔اس مدرسے سے جب طالب علم بارہویں کلاس پاس کر لیتا ہے تو اس کے پاس دو طرح کے راستے ہوتے ہیں یا تو وہ دنیاوی تعلیم کے تحت آگے کی کلاس میں داخلہ لے یا پھر عالم بننے کے بعد وہ کسی بڑے مدرسے میں اپنی دینی تعلیم کو مکمل کریں۔حسن مرکزی نے کہاکہ ہمارے انسٹیٹیوٹ میں طالبات کو وزیراعظم کی منشا کے مطابق تعلیم دے رہے ہیں ان کے ایک ہاتھ میں قرآن ہے تو دوسرے ہاتھ میں لیپ ٹاپ ۔

وہی طوبہ انسٹیٹیوٹ آف مورل ایجوکیشن میں پڑھانے والے غیرمسلم اساتذہ کے مطابق ہم یہاں مدارس کے طلبہ کو مدھیہ پردیش تعلیمی بورڈ کے نصاب کو پڑھاتے ہیں۔ اس مدرسے میں اسی طرح سے تعلیم دی جارہی ہے جس طرح سے دیگر اسکولوں میں تعلیم دی جاتی ہے۔ یہاں تعلیم دے رہے اساتذہ کا صاف طور سے کہنا ہے کہ جس طرح کی باتیں مدارس کو لے کر اس وقت چل رہی ہے یہ مدرسہ طوبہ انسٹیوٹ آف مورل ایجوکیشن ان سب سے پرے ہیں اور یہاں طلباء دنیاوی تعلیم کے ساتھ دینی تعلیم حاصل کر خود کو ایک اچھا شہری بنا رہے ہیں۔

واضح رہے کہ طوبہ انسٹیٹیوٹ آف مورل ایجوکیشن 2019 سے چلایا جا رہا ہے۔ جہاں پر مسلم طلبہ دینی تعلیم کے ساتھ ساتھ دنیاوی تعلیم بھی بخوبی حاصل کر رہے ہیں۔ ایک اچھا شہری ہونے کا ثبوت پیش کر رہے ہیں۔لیکن افسوس اس بات کا ہے کہ جہاں حکومت مدارس کے سروے کی بات کر رہی ہے ۔ مدرسوں کو سب کی نگاہوں سے دیکھ رہی ہے۔

ایسے میں طوبہ انسٹیٹیوٹ آف مارک ایجوکیشن جیسے مدرسے حکومت کی سہولیات سے محروم ہیں۔ اگر اس میں حکومت کی مدد شامل ہوجائے تو وہ دن دور نہیں جب مدرسوں کے طلبہ بھی بڑے بڑے عہدوں پر فائز ہوں گے اور ملک کی خدمت کریں گے۔Madrasa Survey Conduct In Madhya Pradesh