مدھیہ پردیش میں سیاسی تعطل برقرار

مدھیہ پردیش میں سیاسی تعطل جاری ہے جبکہ آج اس مسئلہ پر سپریم کورٹ میں سماعت ہوگی۔

سپریم کورٹ میں دو ججوں پر مشتمل ایک بنچ آج بی جے پی کی جانب سے دائر کی گئی درخواست کی سماعت کریگی۔

کل رات مدھیہ پردیش کے وزیراعلیٰ کمل ناتھ نے گورنر لال جی ٹنڈن سے ملاقات کے بعد کہا کہ انہیں مناسب ایم ایل ایز کی تائید حاصل ہے جبکہ حکومت کو کوئی خطرہ نہیں ہے اور انہوں نے کہا کہ اگر کوئی یہ دعویٰ کر رہا ہے کہ حکومت کے پاس اکثریت نہیں ہے تو اسے ایوان میں عدم اعتماد کی تحریک لانا چاہئے۔

دوسری جانب گورنر نے وزیراعلیٰ کو ایک اور خط لکھ 17 مارچ تک ایوان میں اکثریت ثابت کرنے کی ہدایت دی ہے جس پر کانگریس پارٹی نے اپن ردعمل کا اظہار کرتے ہوئے کہا کہ ’ایسا لگتا ہے کہ گورنر دباؤ میں کام کر رہے ہیں‘۔

واضح رہے کہ کل اسپیکر نے کورونا وائرس کے قہر کا ذکر کرتے ہوئے ایوان کی کاروائی کو 26 مارچ تک کےلیے ملتوی کردیا تھا۔