dengue Cases مدھیہ پردیش میں ڈینگو کیسز پر قابو پانے کی کوششیں جاری

مدھیہ پردیش میں ڈینگو کی بیماری پر قابو پانے کی مسلسل کوششیں جاری ہیں۔ ڈینگو کے پھیلاؤ کو روکنے کے لیے ڈینگو لاروا کا سروے اور جراثیم کشی کی جا رہی ہے۔ dengue Cases

بھوپال:اب تک ریاست میں 79 لاکھ گھروں میں شدید لاروا سروے کیا جاچکا ہے۔ سرکاری معلومات کے مطابق ڈینگو بیماری کا انفیکشن پھیلانے والے مچھر (ایڈیز ایجپٹائی) کو تلف کرنے اور افزائش کی جگہ کو کم کرنے کا کام جاری ہے۔ اب تک 21 ہزار سے زائد افراد کے ڈینگی کے ٹیسٹ کیے جا چکے ہیں۔ جن میں سے 1595 ڈینگو کے کیسز سامنے آئے ہیں۔ Madhya Pradesh Try To Control Dengue Cases

ملیریا کنٹرول پروگرام آفیسر ڈاکٹر ہمانشو جیسوار نے بتایا کہ ریاست میں ملیریا اور ڈینگو کی روک تھام کے لیے کی جا رہی کوششوں کے مثبت نتائج برآمد ہو رہے ہیں۔ اس سال اب تک ڈینگی کے کل 1595 کیسز سامنے آئے ہیں۔ جبکہ گزشتہ سال 2021 میں اسی عرصے کے دوران 10 ہزار 102 کیسز سامنے آئے تھے۔ اس سال ڈینگو کے مثبت مریضوں کی تعداد میں کمی آئی ہے۔ ڈینگو کے مرض پر قابو پانے کے لیے پروٹوکول کے مطابق جانچ، علاج اور احتیاطی اقدامات کیے جا رہے ہیں۔

مرکزی حکومت کے رہنما خطوط کے مطابق، ریاست کے 64 اداروں میں ڈینگو اور چکن گنیا کی بیماری کے لیے ایلائزا پر مبنی ٹیسٹ کے انتظامات کیے گئے ہیں۔ اس وقت ڈینگو انفیکشن کا دور جاری ہے، اس کے پیش نظر ڈینگو کنٹرول اور بچاؤ کے اقدامات کا ضلع سطح پر روزانہ جائزہ لیا جا رہا ہے۔ تمام اضلاع میں ضروری کیڑے مار ادویات کی دستیابی یقینی بنائی گئی ہے۔ لاروا کے خاتمے اور ڈینگو کنٹرول کے حوالے سے عوامی آگاہی کے کام باقاعدگی سے کیے جا رہے ہیں۔Madhya Pradesh Try To Control Dengue Cases