بھوپال:ریاست مدھیہ پردیش کے دارالحکومت بھوپال میں تقریباً 10 ماہ قبل دارالحکومت میں ایم پی چائلڈ پروٹیکشن کمیشن دو مدارس کا اچانک معائنہ کیا تو پتہ چلا کہ بہت سے بچوں کے پاس آئی ڈی نہیں ہے یا ان کی دوہری شناخت ہے۔ اس کے بعد معاملہ پولیس کے پاس گیا۔ پولیس کو ان سے براہ راست تفتیش کرنے کا حق نہیں تھا، اس لیے معاملہ کلکٹر تک پہنچا۔ کلکٹر نے خواتین اور بچوں کی ترقی کے محکمے کے افسران سے کہا کہ وہ ان کا سروے کریں تاہم سروے نہیں ہوسکا۔ ستمبر 2022 میں کلکٹر نے پھر ایک خط لکھا اور کہا کہ بھوپال کے تمام مدارس کی 13 نکات پر چھان بین کی جائے، لیکن آج تک یہ تحقیقاتی رپورٹ پیش نہیں کی گئی۔ بدھ کو جب وزیراعلی نے جائزہ لیا تو ایک بار پھر اس سروے کو لے کر ہلچل شروع ہوگئی۔ افسر اب جلدی میں ہیں، کیونکہ خواتین اور بچوں کی ترقی کا محکمہ اب بھی سی ایم کے پاس ہے۔ بھوپال کے پولیس کمشنر ہرینارائن چاری مشرا اب مکمل رپورٹ لے رہے ہیں کہ ماضی میں کتنی تفتیش کی گئی تھی؟
جن 13 نکات پر اس وقت کے کلکٹر اویناش لاوانیا نے سروے کے لیے کہا تھا، ان میں اہم نکات مدرسہ کی رجسٹریشن، آمدنی اور اخراجات کی تفصیلات، مدرسہ کی زمین کی معلومات، ہاسٹل کی حالت، بچوں کی تفصیلات اور کھانے پینے وغیرہ کے انتظامات تھے۔ مدرسہ کا نام، مدرسہ کا پورا پتہ، مدرسہ چلانے والے کا پورا نام اور موبائل نمبر، مدرسہ کی بنیاد کب رکھی گئی، مدرسہ بورڈ کا رجسٹریشن ہے یا نہیں اور اگر ہے تو کہاں سے؟، ہاسٹل کے بچے کہاں سے تعلق رکھتے ہیں؟ ان کی مکمل تفصیلات۔ ان بچوں کے پاس تمام دستاویزات ہیں یا نہیں اور ان کے پاس کیا ہے اس کی مکمل تصدیق کریں۔ آیا ان کے والدین بچوں کو مدارس میں پڑھنے کی رضامندی رکھتے ہیں یا نہیں؟ زیادہ تر بچے کس عمر کے گروپ سے تعلق رکھتے ہیں؟
یہ بھی معلوم کرنا ہے کہ مدرسہ میں کوئی ہاسٹل چل رہا ہے یا نہیں۔ اگر چل رہا ہے تو اس کے کاغذات کو الگ سے چیک کیا جائے۔ مدرسہ کو چلانے کے لیے خرچ کی گئی رقم کی تفصیلات یعنی ذریعہ آمدنی کیا ہے؟ مدرسہ کے معائنہ کے دوران اگر انسپکٹر کو کوئی خاص بات محسوس ہوئی تو اس کی تفصیل بھی لکھی جائے گی۔ یہ بھی حکم دیا گیا کہ مدرسہ کی رجسٹریشن نہ بھی ہو تب بھی چھان بین کرنی ہے۔ یہ کام ویمن اینڈ چائلڈ ڈپارٹمنٹ کے ڈسٹرکٹ پروجیکٹ آفیسر کو کرنا تھا، لیکن سروے کے دوران سروے کے عملے کے عدم تعاون کی وجہ سے یہ کام پیچھے رہ گیا۔
بھوپال میں جون کے مہینے میں جو دو مدارس منظر عام پر آئے تھے، انہیں پولیس کی جانچ کے بعد بند کر دیا گیا تھا۔ ان کے علاوہ شہر کے نڑیال کھیڑا اور اشوکا گارڈن علاقوں میں چلنے والے دو غیر قانونی مدارس کو بھی بند کر دیا گیا۔ مدھیہ پردیش چائلڈ پروٹیکشن کمیشن کے سابق رکن برجیش چوہان نے بتایا کہ ان کی جانب سے پولیس کو ایک خط لکھا گیا تھا جس میں تمام مدارس کی جانچ اور گنتی کرنے کو کہا گیا تھا، لیکن پولیس کی طرف سے جواب ملا کہ وہ اس معاملے کی براہ راست تفتیش نہیں کر سکتے۔ دوسری طرف سکول ایجوکیشن کی جانب سے تعداد میں بتایا گیا کہ ہمارے پاس ریاست میں 2286 اور بھوپال میں 423 مدارس رجسٹرڈ ہیں۔ ان کی نگرانی بلاک ریسورس کوآرڈینیٹر کے ذریعے کی جاتی ہے۔ معاملے میں اے ڈی سی پی سے بات کرتے ہوئے انہوں نے بتایا کہ انہوں نے گنتی نہیں کی ہے لیکن وقتاً فوقتاً تلاشی لی جاتی ہے۔ اب ایک بار پھر کمیشن کی موجودہ ٹیم نے معاملے کی تحقیقات کا مطالبہ کیا ہے۔
مزید پڑھیں:Madrasa Teachers Salary Pending in MP مدھیہ پردیش میں رجسٹرڈ مداراس کے اساتذہ کو تنخواہ دینے کا مطالبہ
جب ای ٹی وی نے اس معاملے کی متوازی تحقیقات کی تو معلوم ہوا کہ بھوپال کے مدرسہ میں پڑھنے والے بچے اسکول میں بھی داخلہ لے رہے ہیں۔ مدرسے سے وابستہ لوگوں نے بتایا کہ مدرسے میں دی جانے والی دینی تعلیم کے بعد بچوں کو صرف بڑے مدارس میں ہی داخلہ ملتا ہے۔ اگر ریاست کی بات کریں تو یہاں کے کالج اور یونیورسٹیاں داخلے کے لیے 10ویں اور 12ویں جماعت کی مارک شیٹ مانگتی ہیں۔ مذہبی تعلیم کے بعد اگر آپ مدھیہ پردیش کے کالج یا یونیورسٹی میں داخلہ لینا چاہتے ہیں تو اس کے لیے ایسوسی ایشن آف انڈین یونیورسٹیز سے درخواست دے کرکے اجازت لینی ہوگی۔ یہی وجہ ہے کہ اب مدارس میں پڑھنے والے بچوں کو سرکاری اسکولوں میں داخلے کے لیے کہا جارہا ہے، کیونکہ آر ٹی ای کے تحت انکو آٹھویں جماعت تک فیل نہیں کیاجاتا اور اس کے بعد یہ بچے دسویں اور بارہویں کے امتحانات اوپن بورڈ سے دیتے ہیں۔ ایک اطلاع کے مطابق شہر کے بنگنگا، اشوکا گارڈن، نڑیال کھیڑا، شاہجہاں آباد، کروڑ اور گوتم نگر علاقوں میں چلنے والے سرکاری اسکولوں میں بھی مدرسے کے بچے پڑھنے آتے ہیں۔
