بھنڈ: مدھیہ پردیش کے بھنڈ ضلع کی ایک عدالت نے ایک نوجوان کو نابالغ کے ساتھ جنسی زیادتی کے الزام میں 20 سال قید کی سزا سنائی ہے۔ اس کے ساتھ نوجوانوں پر 20 ہزار روپے جرمانہ بھی عائد کیا گیا ہے۔ ایڈیشنل ڈسٹرکٹ پراسیکیوشن (اے ڈی پی او) کے پی یادو نے آج یہاں بتایا کہ 22 فروری 2020 کو نابالغ لڑکی (14) کے والدین مزدوری کے لئے گئے تھے۔ جب گھر والے واپس آئے تو انہیں اپنی بیٹی گھر پر نہیں ملی۔ اس کا پتہ نہ ملنے پر اہل خانہ دبوہ تھانے پہنچے اور رپورٹ درج کرائی۔ پولیس نے نابالغ لڑکی کے اغوا کا مقدمہ درج کرکے اس کی تلاش شروع کردی۔ کچھ دنوں کے بعد لڑکی خود ہی گھر آگئی۔ Youth Sentenced 20 Years in Bhind
لڑکی نے پولیس کو بتایا کہ 22 فروری 2020 کی شام کو اسے بازار میں ونیندر دوہرے نام کا نوجوان ملا۔ ونیندر اسے جھانسے میں لے لیا اور شادی کے بہانے اپنے ساتھ بھوپال لے گیا۔ ملزم نے بھوپال میں اس کے ساتھ جنسی زیادتی کی۔ کچھ دنوں بعد جب لڑکی کو اپنے والدین کی یاد آئی تو اس نے اسے واپس گھر چھوڑ دیا۔ پولیس نے مقدمہ درج کرکے معاملہ عدالت میں بھیجا۔ جہاں سے اسے کل سزا سنائی گئی۔