ہنی ٹریپنگ معاملے میں کانگریس رہنما گرفتار

ریاست مدھیہ پردیش کے دارالحکومت بھوپال اور صنعتی شہر اندور سے پولیس نے چھ افراد کو ہنی ٹریپنگ معاملے میں گرفتار کیا ہے،گرفتار افراد میں 5 خواتین اور ایک مرد شامل ہے، ان پر الزام ہے کہ یہ ہائی پروفائل افراد کو اپنا نشانہ بناتے تھے۔

ہنی ٹریپنگ معاملے میں کانگریس خواتین آئی ٹی سیل کی کوآرڈینیٹر برکھا بھٹناگر کو بھی گرفتار کیا گیا ہے۔

اس معاملے میں مدھیہ پردیش کے وزیر داخلہ بالا بچن نے کہا کہ اس معاملے میں جو بھی ملوث ہوگا اس کے خلاف سخت قانونی کاروائی کی جائے گی اور اس میں کسی بھی طرح کی سیاست کا معاملہ بیچ میں نہیں آئے گا۔

بالا بچن نے کہا مدھیہ پردیش پولیس بہت اچھا کام کر رہی ہے اور اگر اس معاملے میں ضرورت پڑی تو وزیراعلی کمل ناتھ سے اسپیشل ٹیم بنانے کی درخواست کی جائے گی تا کہ معاملے کی صحیح جانچ کی جا سکے۔

انہوں نے مزید کہا کہ اس معاملے میں نے ملوث افراد پر سخت سے سخت کاروائی دی جائے گی۔