غنڈوں اور مافیاؤں کے خلاف سخت کارروائی ہو گی: شیوراج سنگھ

مدھیہ پردیش کے وزیر اعلیٰ شیوراج سنگھ نے کہا کہ مدھیہ پردیش میں ہر کوئی محفوظ ہے۔ کارروائی ہو گی تو صرف غنڈوں اور مافیاؤں کے خلاف اور اس کو کوئی روک نہیں سکتا۔

وزیر اعلیٰ شیوراج سنگھ نے میڈیا سے خطاب کرتے ہوئے کہا کہ ریاست کے عوام کو ڈرنے اور گھبرانے کی ضرورت نہیں ہے۔ کیونکہ اب غندوں اور زمین مافیاؤں کے خلاف سخت اقدام اٹھائے جائیں گے۔ انہوں نے کہا کہ جو غلط کرے گا اسے بخشا نہیں جائے گا، کیونکہ جو قانون ریاست میں بنائے جارہے ہیں وہ سبھی کے لیے بن رہے ہیں۔

شیوراج سنگھ چوہان نے کہا کہ ریاستی حکومت اگر کسی کے خلاف ہے تو وہ صرف غنڈے، بدمعاش، زمین مافیا اور نشے کے کاروباری ہیں۔

انہوں نے کہا کہ جس بھی طرح کے مافیا ریاست میں موجود ہیں، ان کے خلاف سخت سے سخت قدم اٹھائے جائیں گے۔

انہوں نے مزید کہا چٹ فنڈ کے نام پر لوگوں کو لوٹا جا رہا ہے۔ ریاست میں پتھر بازی کی جا رہی ہے۔ لوگوں کے املاک کو نقصان پہنچایا جا رہا ہے لیکن اب ایسے لوگ ریاست میں نہیں رہ سکیں گے۔

واضح رہے کہ مدھیہ پردیش میں بی جے پی کے حکومت آنے کے بعد سے ریاست میں نشے کے کاروبارریوں کے خلاف حکومت سخت قدم اٹھانے کا دعوی کیا جا رہا ہے۔