مدھیہ پردیش: بس ندی میں گری

ریاست مدھیہ پردیش کے جاورا علاقے کے رولا گاؤں کی ندی پر بنے پُل کو پار کرتے وقت بس ندی میں جا گری۔

ایک بس ڈرائیور کو اس کی چالاکی اس وقت بھاری پڑ گئی جب وہ پل کے اوپر سے بہہ رہی ندی کو پار کرنے کی کوشش کی جس کی وجہ سے بس ندی میں گر گئی لیکن آس پاس کے گاؤں والوں نے بر وقت کارروائی کرتے ہوئے سبھی مسافروں کو بحفاظت بس سے باہر نکال لیا۔

تفصیلات کے مطابق جاورا سے اسواتی جانے والی ممتا بس اس وقت ندی میں جا گری جب وہ ندی پر بنے ہوئے پل پر گزر رہی تھی۔

واضح رہے کہ زبردست بارش کی وجہ سے ندی کا پانی پل کے اوپر سے بہہ رہا تھا لیکن ڈرائیور نے بس نا روکتے ہوئے پل پار کرنے کی کوشش کی اور تیز پانی کے بہاؤ کی وجہ سے بس ندی میں جا گری۔

لوگوں نے ڈرائیور پر الزام لگایا کہ ڈرائیور کی لاپرواہی سے بڑا حادثہ ہو سکتا تھا کیوں کہ جس وقت ندی بہتی ہے تب پل پار کرنا بہت مشکل ہوتا ہے لیکن ڈرائیور نے جلد بازی سے کام لیا جس کی وجہ سے بس مدی میں گر گئی۔

جس وقت یہ حادثہ ہوا ہوا اس وقت بس میں 20 تا 50 مسافر سوار تھے۔
بس کو ندی میں گرتا دیکھ کر آس پاس کے گاؤں والے فوراً مدد کے لیے دوڑ پڑے اور اپنی جان پر کھیل کر سبھی مسافروں کو بحفاظت بس سے باہر نکالا۔

واضح رہے کہ ریاست میں موسلادھار بارش کے پیش نظر محکمہ موسمیات نے شہریوں کو احتیاط برتنے کی اطلاع دی ہے۔