مدھیہ پردیش: سی اے اے اور این آر سی کی حمایت میں ریلی

آج بھارتیہ جنتا پارٹی نے ملک گیر سطح پر شہریت ترمیمی قانون کے حمایت میں ریلی نکالی اور اسی کے تحت آج مدھیہ پردیش کے کولار اسمبلی حلقے میں ایک بڑی ریلی نکالی گئی۔

ریاست مدھیہ پردیش کے کولار اسمبلی حلقے میں بی جے پی کے رہنما رامیشور شرما کی قیادت میں شہریت ترمیمی قانون کے حق میں ایک بڑی ریلی نکالی گئی۔

اس موقع پر بی جے پی رہنما رامیشور شرما نے کہا آج ملک بھر میں ہر جگہ شہریت ترمیمی قانون کی حمایت کی جارہی ہے۔

انہوں نے کہا یہ قانون مہاتما گاندھی کے مطابق ہے ڈاکٹر بابا صاحب امبیڈکر کے آئین کے مطابق ہے ۔یہ قانوں تقسیم کے وقت متاثر ہوئے ان لوگوں کے حق میں ہیں جو یہاں آنا چاہتے ہیں۔

بھارتی جنتا پارٹی کے کارکنان نے بڑی تعداد میں سڑکوں پر نکل کر احتجاج کیا اور شہریت ترمیمی قانون کی حمایت میں نعرے بازی کی ۔