بھوپال میں کسانوں کے قرض معافی، قدرتی آفت سے متاثر کسانوں کو معاوضہ دینے اور بجلی بل سے متعلق مسائل کے سلسلے میں بی جے پی کے رہنما گوپال بھاگو کی قیادت میں احتجاج کیا گیا۔
بی جے پی کے کارکنان کی جانب سے مدھیہ پردیش کے دارالحکومت بھوپال سمیت کئی شہروں میں آج احتجاج کیا گیا۔
بی جے پی کا الزام ہے کہ ریاست کی کانگریس حکومت نے کسانوں کے قرض معافی کا وعدہ پورا نہیں کیا، جس کے سبب کسان خودکشی کرنے پر مجبور ہے۔
کسان حال ہی میں زیادہ بارش اور سیلاب کی وجہ سے پریشان ہوئے ہیں، لیکن ابھی تک حکومت کی جانب سے کسی بھی طرح کا معاوضہ نہیں دیا گیا ہے۔
بی جے پی نے یہ بھی الزام عائد کیا ہے کہ وعدے کے مطابق عام آدمی کا بجلی بل کم نہیں کیا گیا ہے۔ اس کے برعکس مہنگا بل دے کر لوگوں کو پریشان کیا جا رہا ہے۔
