Deepak Joshi May join Congress Today: دیپک جوشی آج کانگریس میں شامل ہوسکتے ہیں

دیپک جوشی کے استقبال کی تیاریوں کے لیے ریاستی کانگریس کے دفتر پر بینر پوسٹر بھی لگائے گئے ہیں۔ قبل ازیں جوشی نے کل اپنے آبائی ضلع دیواس میں میڈیا سے بات کرتے ہوئے کہا کہ وہ کانگریس میں شامل ہونے کے اپنے فیصلے پرقائم ہیں۔ اس دوران انہوں نے حکمراں جماعت بی جے پی اوراس کے لیڈروں پر کئی الزامات لگائے اور کہا کہ انہیں اور ان کے خاندان کو مسلسل نظر انداز کیا جا رہا ہے۔

بھوپال:مدھیہ پردیش میں حکمراں بھارتیہ جنتا پارٹی (بی جے پی) کے سابق ایم ایل اے اور سابق وزیر اعلیٰ کیلاش جوشی کے بیٹے دیپک جوشی اعلان کے مطابق ریاستی کانگریس صدر کمل ناتھ کی موجودگی میں باضابطہ طور پر کانگریس میں شامل ہو جائیں گے۔ اسمبلی انتخابات کے اس سال میں جوشی کے کانگریس میں آنے کو لیکر ایک اہم سیاسی واقعہ کے طور پر دیکھا جا رہا ہے۔

دیپک جوشی کے استقبال کی تیاریوں کے لیے یہاں ریاستی کانگریس کے دفتر پر بینر پوسٹر بھی لگائے گئے ہیں۔ قبل ازیں جوشی نے کل اپنے آبائی ضلع دیواس میں میڈیا سے بات کرتے ہوئے کہا کہ وہ کانگریس میں شامل ہونے کے اپنے فیصلے پر قائم ہیں۔ اس دوران انہوں نے حکمراں جماعت بی جے پی اور اس کے لیڈروں پر کئی الزامات لگائے اور کہا کہ انہیں اور ان کے خاندان کو مسلسل نظر انداز کیا جا رہا ہے۔

آج ایک ٹویٹ کے ذریعے اپنےعزائم کا اظہار کرتے ہوئے دیپک جوشی نے لکھا ہے “وقت سب کچھ ثابت کر دے گا۔ ایمانداری میری میراث ہے،میرا سرمایہ ہے، یہ میرے ساتھ ہے۔ پرنام پیتاجی، جئے ہند۔ جئے پرشورام۔ جئے شری رام ہے۔ اس سے قبل مرکز اور ریاست میں حکمراں جماعت بی جے پی نے دیپک جوشی کو بی جے پی میں برقرار رکھنے کی پوری کوشش کی، لیکن وہ کامیاب نہیں ہوسکے۔ جوشی نے یکم مئی کو عوامی طور پر باغی رویہ دکھایا اور کانگریس میں شامل ہونے کا اشارہ دیا۔ اس کے بعد سے کئی سینئر لیڈروں نے جوشی سے بات کی تاکہ انہیں راضی کیا جا سکے لیکن وہ نہیں مانے اور لیڈروں کے پاس اپنی شکایتیں بھی درج کرائیں۔

یو این آئی