بس اور ٹرک کی ٹکر، پانچ ہلاک

مدھیہ پردیش کے جبلپور ضلع کے برگی بائی پاس پر بسنت نگر کے نزدیک ایک بس اور ٹرک کے ٹکرا جانے سے پانچ لوگوں کی موت اور 32دیگر زخمی ہوگئے۔ مرنے والوں میں شامل تین لوگ ایک ہی کنبہ کے رکن تھے۔

برگی تھانہ کے انچارج آر دویدی نے بتایا کہ 'کٹنی سے بالاگھاٹ جارہی ایک پرائیویٹ بس کو کل دیر رات برگی بائی پاس پر بسنت نگر کے نزدیک ناگپور سے جبلپور آرہے ایک ٹرک نے ٹکر مار دی۔'

اس حادثہ کے بعد بس بے قابو ہوکر پلٹ گئی، جس سے بس کے کنڈکٹر چھپارا کے رہنے والے روی بھومارکر (22) اور بالاگھاٹ میں رہنے والے لکھی رام ناگپورے(42)، ان کی اہلیہ تارا ناگپورے (40) اور ان کی آٹھ سالہ بیٹی گوریکا کی جائے حادثہ پر ہی موت ہوگئی۔

ایک دیگر مرنے والے (22) کی شناخت ابھی نہیں ہوسکی ہے۔

بس میں سوار 32مسافر بھی زخمی ہوئے ہیں۔

اس معاملہ میں پولیس نے معاملہ درج کرلیا ہے۔