زہر کھا کر جان دینے والے شخص کا ویڈیو وائرل ہوا

فائنانس کمپنی سے پریشان ایک شخص نے زہر کھا کر اپنی جان دے دی۔ خودکشی سے قبل اس نے ایک ویڈیو بھی بنائی جو سوشل میڈیا پر وائرل ہو رہی ہے۔

ریاست مدھیہ پردیش کے دارالحکومت بھوپال کے راتیبڑ سے دل دہلا دہنے والی ایک ویڈیو سامنے آئی ہے۔ جہاں ایک نوجوان نے خودکشی سے قبل اپنی ویڈیو بنائی اور زہر کھا کر اپنی جان دے دی۔

دراصل فنانس کمپنی سے پریشان ایک شخص نے زہر کھا کر اپنی جان دے دی ہے۔ خودکشی سے قبل اس نے ایک ویڈیو بھی بنائی جو سوشل میڈیا پر وائرل ہو رہی ہے۔

ویڈیو میں نوجوان یہ کہتے ہوئے دیکھا جا رہا ہے کہ 'وہ فائنانس کمپنی اور ریکوری والوں سے پریشان ہے۔ کمپنی کے لوگ اس پر اور اس کی بیوی پر مسلسل رقم کا معاوضہ دینے کے لئے دباؤ ڈال رہے ہیں جس سے تنگ آ کر وہ اپنی جان دے رہا ہے۔'

جس وقت نوجوان ہیمنت کشواہا نے اپنی جان دی، اس وقت وہ اپنے بچے کو اسکول چھوڑ کر آیا تھا۔

اسی دوران مرنے سے پہلے اس نوجوان نے اپنی بیوی، بچے، ماں اور بھائی کو یاد کیا اور سب سے معافی مانگی اور کہا کہ 'میری موت کے بعد 75 لاکھ بیمہ کی رقم ملے گی جس سے تمام مسائل حل ہو جائں گے۔'

بتایا جارہا ہے کہ ہیمنت کشواہا نے سیہور کے کریسنٹ واٹر پارک کے قریب زہر کھایا ہے کیونکہ موقع پر زہر کا پیکٹ نظر آیا ہے۔