بھوپال: افسانوی مجموعہ 'داستان رنگ' کا رسم اجرا

ادیب و شاعر ضیاء فاروقی کے افسانوی مجموعہ 'داستان رنگ' کا رسم اجرا بھوپال میں تنظیم مجلس اقبال کی جانب سے منشی حسین خان ٹیکنیکل انسٹی ٹیوٹ کے نسیم ہال میں منعقد کیا گیا۔

ریاست مدھیہ پردیش کے دارالحکومت بھوپال میں آج مجلس اقبال بھوپال کی جانب سے منشی حسین خان ان ٹیکنیکل انسٹی ٹیوٹ کے نسیم انصاری ہال میں اردو کے معروف ادیب اور شاعر ضیاء فاروقی پی ٹی آئی کے افسانوی مجموعے 'داستان رنگ' کی رسم اجراء کی تقریب منعقد ہوئی، جس کی صدارت اقبال مسعود نے فرمائی۔

بطور مہمان خصوصی ڈاکٹر سید افتخار علی اور ڈاکٹر مہتاب عالم نے شرکت فرمائی۔

ضیاء فاروقی افسانہ نگار

اس موقع پر اقبال مسعود نے ضیاء فاروقی کے افسانوں پر اپنے خیالات کا اظہار کرتے ہوئے کہا کہ ضیاء فاروقی کے ان افسانوں میں بہت کمال ہے۔

انہوں نے کہا کہ ضیاء فاروقی کے یہ افسانے ان کی زندگی کے ہر دور کی فکری پرواز کا پتہ دیتے ہیں۔

افسانوی مجموعہ 'داستان رنگ' کا رسم اجرا

ضیاء فاروقی کو چونکہ زبان پر دسترس حاصل ہے۔ اس لیے ان کی شاعری ہو یا کہانی، زبان کی چاشنی بہرحال لطف دیتی ہے۔

اپنے مجموعے کے رسم اجرا کے موقع پر ضیا فاروقی نے مہمانوں کا شکریہ ادا کرتے ہوئے کہا کہ یہ میری عمر بھر کی ان کہانیوں کی اشاعت ہے جنہیں میں نے بڑی محنت سے سنبھال کے رکھا تھا۔