بھوپال: کانگریس کے سینئر لیڈر اور مدھیہ پردیش کے سابق وزیر اعلیٰ کمل ناتھ نے آج ریاست کی حکمراں بھارتیہ جنتا پارٹی (بی جے پی) پر الزام لگاتے ہوئے کہا کہ اس نے کسانوں کی قرض معافی کو بند کیا اورمعاوضے کے لئے کسانوں کو رُلایا اور اب بی جے پی حکومت میں کھا د اور بیج کا بحران پیدا ہوگیا ہے۔Kamal Nath On Shivraj Government
کمل ناتھ نے اپنے ٹویٹ کے ذریعے یہ الزام لگایا۔ انہوں نے کہا کہ شیوراج حکومت نے پہلے کسانوں کی قرض معافی روک دی، پھر کسانوں کو معاوضے کے لیے رلا یا اور اب کھاد اور بیج کا بحران سامنے ہے۔ انہوں نے کہا کہ وہ کسان بھائیوں کے ساتھ کھڑے ہیں۔ تمام کسانوں کے قرضے معاف کرنے کے ساتھ ساتھ ہم بروقت معاوضہ اور مناسب مقدار میں کھاد اور بیج کی دستیابی کو بھی یقینی بنائیں گے۔