کمل ناتھ نے تحقیقات کا حکم دیا

شیو پوری کے ضلع اسپتال میں ایک مریض کی موت ہونے کے بعد اس کی لاش پر چیٹیاں چلنے اور اس واقعہ پر برتی گئی لاپرواہی کے بعد وزیر اعلیٰ کمل ناتھ نے سنجیدگی سے لیا ہے۔

ریاست مدھیہ پردیش کے وزیراعلی کمل ناتھ نے شیوپوری ضلع اسپتال میں ایک مریض کی موت کے بعد اس کی لاش پر چیٹیاں چلنے کے واقعہ کی تحقیق کا حکم دیتے ہوئے اس معاملے میں قصوروار اور لاپرواہی برتنے والوں پر سخت کارروائی کرنے کی ہدایت دی ہے۔

کمل ناتھ نے اپنے ٹویٹ میں کہا کہ شیوپوری میں ضلع اسپتال میں ایک مریض کی موت ہونے کے بعد اس کی لاش پر چیٹیاں چلنے اور اس واقعہ پر برتی گئی لاپرواہی بےحد بےحسی کا ثبوت ہے۔ایسے واقعات انسانیت کو شرمسار کرتے ہیں،یہ قطعی برداشت نہیں کیا جاسکتا۔'

انہوں نے اس واقعہ کی تحقیق کا حکم دیا اور تحقیق میں قصوروار و لاپرواہی برتنے والوں کے خلاف سخت کارروائی کرنے کی ہدایت دی ہے۔