بھوپال: جمیعۃ یوتھ علماء کلب نے پہلا ماسک بینک کھولا

مدھیہ پردیش جمعیۃ العلماء کی جمیعۃ یوتھ علماء کلب کی جانب سے شہر بھوپال میں پہلا ماسک بینک کھولا گیا۔ اس ماسک بینک سے اب ضرورت مندوں کو مفت میں ماسک تقسیم کیا جائے گا۔

ریاست مدھیہ پردیش کے دارالحکومت بھوپال میں جمعیت علماء ہند کی جمعیت یوتھ کلب کے ذریعہ شہر بھوپال میں پہلا ماسک بینک کھولا گیا ہے۔ جس میں ان ضرورت مندوں کو مفت ماسک تقسیم کیے جائیں گے، جو جلد بازی میں گھر سے نکلتے ہیں اور ماسک نہیں لگاتے یا بھول جاتے ہیں۔

اسی کو دھیان میں رکھتے ہوئے جمیعۃ علماء ہند پورے صوبے میں پہلے سے ہی کورونا وبا سے عوام میں بیداری مہم چلا رہی ہے، جس کے تحت ابھی تک جماعت کی جانب سے 20 ہزار کے قریب قریب ماسک تقسیم جا چکے ہیں۔

آج اس ماسک بینک کی افتتاح بھوپال کی موتی مسجد علاقے میں میں کی گئی، جس کا افتتاح سکھ سماج کے مذہبی رہنما گیانی دلیپ سنگھ اور جمیت علماء مسجد پردیش کے جنرل سیکریٹری محمد کلیم نے کی۔

اس موقع پر گیانی دلیپ سنگھ نے کہا کہ جس طرح کی وبا ہمارے ملک میں چل رہی ہے۔ اس سے بچنے کے لیے یہ ایک طریقہ ہے کہ سب ماسک کا استعمال ضرور کریں۔

واضح رہے کہ جہاں اس ماسک بینک سے ضرورت مند ماسک مفت لے سکتے ہیں تو وہیں وہ لوگ جو اس ماسک بینک میں حصہ لینا چاہتے ہیں وہ یہاں پر ماسک عطیہ بھی کر سکتے ہیں تاکہ لوگوں کو زیادہ سے زیادہ فائدہ پہنچ سکے۔