اندور نگم کے آخری اجلاس میں سی اے اے پر ہنگامہ

مدھیہ پردیش کے صنعتی شہر اندور میں کانگریس اور بی جے پی کونسلروں کے درمیان شہریت ترمیمی قانون پر جم کر بحث و مباحثہ ہوا۔

اندور نگم کا آج آخری اجلاس تھا جس میں بھارتیہ جنتا پارٹی اور کانگریس کے کونسلروں کے درمیان جم کر بحث و مباحثہ ہوا۔

اندور نگم کا آج آخری اجلاس تھا، جب واٹر کمیٹی کے صدر نے شہریت ترمیمی قانون کے خلاف مظاہرہ کرنے والوں پر تبصرہ کیا تو اس کا جواب دیتے ہوئے کانگریس کے کونسلر انور دستک نے کہا کہ 'یہ قانون دستور کے خلاف ہے اور ہم اس کی پرزور مخالفت کرتے ہیں اور کرتے رہیں گے۔'

اسی درمیان دونوں کے درمیان کافی دیر تک بحث بازی ہوئی جس کے بعد اجلاس کو روک دیا گیا۔ آج دون رنگوں کا آخری اجلاس تھا جس کے بعد نگم انتخابات ہونا ہے۔

واضح رہے کہ شہریت ترمیمی قانون کے خلاف جس طرح سے شاہین باغ میں مظاہرہ ہورہا ہے، اس کی طرز پر ملک بھر میں احتجاج ہو رہے ہیں۔