ریاست مدھیہ پردیش کے اندور ضلع میں کووڈ 19 کے 326 نئے معاملے آنے کے بعد متاثرین کی تعداد بڑھ کر 16090 ہوگئی ہے۔ راحت کی خبر یہ ہے کہ اب تک سامنے آئے مریضوں میں سے 11091 مریض صحت مند ہوچکے ہیں۔
چیف میڈیکل اینڈ ہیلتھ افسر (سی ایم ایچ او) نے کل رات صحت بلیٹن جاری کرکے بتایا کہ 'اب تک کل 244827 سیمپلوں کی جانچ کی گئی ہے۔ ان میں کل جانچ کئے گئے 2762 سیمپل بھی شامل ہیں۔ کل جانچ سیمپلوں میں 326 نئے مریض ملنے کے بعد وائرس سے متاثر مریضوں کی کل تعداد 16090 ہوگئی ہے جبکہ کل 6 مریضوں کی وائرس سے موت ہونے کے بعد اب تک تصدیق شدہ معاملوں کی تعداد 444 ہوگئی ہے۔'